Fill tripantu doy eluwkeiñ ñi mangelafiel pu che ñi amual ti Trawün Jesus tañi lan ñi acordangeal. Fentren che taiñ mangelkefiel kimkelafiyiñ rume. Welu müley che taiñ kimniefiel, fey mangelfiliyiñ, doy eluwafuy ñi amual tüfachi trawün mu (yb08-S pag. 11 parr. 3; pag. 14 parr. 1). Feymu, ¿iney am mangelafuiñ?

• Taiñ pu familia

• Taiñ pu compañ küdaw mu kam colegio mu

• Taiñ pu karukache

• Tati pu che taiñ wiñopemetukefiel ka tati pu che taiñ papeltulelkefiel Biblia kuyfi mu kam famülke mu

Ka müley kiñeke peñi ka lamngen amuldunguwenolu, fey pu longkolelu eluway ñi mangelafiel engün. Welu taiñ kimelchi che püllelenole iñchiñ mu, ¿chumafuiñ? Ka mangelafuiñ. Fey taiñ kimal chumül ka chew ñi femngeal ti trawün, internet mu konafuiñ ti sitio jw.org, fey pütafaiñ chew feypi IÑCHIÑ TAIÑ DUNGU, fey wüla dulliaiñ chew feypi “Trawün ñi akordangeal”. Femngechi femliyiñ, kimafuiñ chew ñi amuafel ti che. Feymu llemay, petu ñi femngenon ti trawün, rakiduamafuiñ iney mangelafiel, fey mangelkünuafiyiñ tati che.