Rupayal huesaque dungu meu rume ngañhuadelafeiñmu, doyelchi mai alüñmale taiñ huesa rupamequen. Raquiduamaiñ David ñi rupan, quisu quimniefui quiñe antü ñi huesalcahuenoaeteu ti rey Saúl ca ñi loncolerpual. David maneluuquefui Jehová tañi feipicünueteu meu (1Sa 16:13). David ñi feyentun quellueyu ñi ñochi piuquengeal ca maneluhual Jehová meu.

Rupan mu huesaque dungu mu, eluhuafuiñ taiñ femal fillque dungu nüucülelu Biblia ñi feipin meu, femngechi taiñ cüme elcünutual taiñ rupamequen (1Sa 21:12-14; Pr 1:4). Huelu quiñeque mu com taiñ nehuen meu inaliyiñ rume Biblia ñi ngülam, amulecayafui taiñ huesa rupamequen. Fei, ¿chumafuiñ? Ñochi piuquengeaiñ ca quim maneluhuaiñ Jehová meu. Ca ngoimalayaiñ pichiñma mu Jehová apümcayafi com taiñ cutrancaqueteu ca ancümüñmatuaiñmu taiñ cülleñu (Ap 21:4). Feimu rupamequeliyiñ huesaque dungu meu, ngoimalayaiñ, rumel meu femngechi felelayaiñ. Fei tüfa meu raquiduamliyiñ, yafüluucüleaiñ llemai.

PEFINGE TI VIDEO PÜNTÜWLU RUME TI CHE, JEWBA ÑI TROKIÑCHE KIÑEWKÜLEY, CA HUIÑOLDUNGUNGE TI MÜLEYECHI RAMTUN:

• Pu peñi ca pu lamngen mülelu Estados Unidos ñi sur püle, ¿chem cüdaungechi dungu rupaingün?

• ¿Chumngechi pengelingün ñi ñochi piuquengen ca ñi piuqueyechefengen?

• ¿Chumingün tañi doyümnieafiel “ti doi falinque dungu”? (Flp 1:10, Traducción del Nuevo Mundo).