Fachantü doi rupamequei fütra huesaque dungu. Femngechi dungu mu rupan mu, mülei ñi cüme pepicangeal ti cüdau ñi quelluafiel pu duamnielu quellu. Feimu ti Troquiñ Adniechequelu feipi com mapu mu Betel mu ñi elcünungeal quiñe Troquiñche Quelluquefilu pu Huesa Rupamequelu.

¿Chumquei pu peñi cüdauquelu feitachi troquiñche mu? Rupan mu quiñe huesa dungu, feitachi pu peñi mütrümfemquefi tati pu loncolelu tañi feipiafiel chem dungu ñi rupan. Duamniele quellu pu peñi ca pu lamngen, Betel feipiafi quiñeque adümuuchi pu peñi ñi adcünungeal ti cüdau ñi quellucheal. Fei engün quiñeque mu, incatuquefi tati pu peñi, pu lamngen ñi quelluntucucheal cam ngillatuafui chi iyael, tacun cam caquelu chemcün. Ngillacayafuingün chi chem tañi duamniengeel tañi hudamcalelafiel pu peñi, pu lamngen.

Femngechi cüme tripaquei ti cüdau, ngünamcangelayai chem no rume, plata, iyael cam tiempo. Huelu caque quiñeque femle quisu tañi duam mu, cüme tripalayafui ti cüdau.

Pu peñi ñi elcünuel Betel ñi quellucheal ngüneduamafuingün chumten plata tañi duamniengeel ca chumten pu peñi ca pu lamngen quelluafui. Cafei feipiafuingün tati pu autoridad tañi chumal engün, femngechi tati pu autoridad quelluntucuafeyu. Feimu quisu taiñ duam mu, trapümlayaiñ chem no rume ca amulayaiñ taiñ quelluntucumeal. Feipingeliyiñ hula, quelluntucuafuiñ.

Iñchiñ piuqueyenieiñ taiñ pu peñi ca pu lamngen, feimu anücünuulayaiñ (Heb 13:16). Fei, ¿chumafuiñ? Llellipuaiñ tati pu huesa rupamequelu mu ca pu quelluntucuquelu mu. Ca hulafuiñ taiñ plata ñi femngeal Jehová ñi cüdau huall mapu mu. Tati Troquiñ Adniechequelu adniequefi pu peñi cüdauquelu Betel mu, feimu feitachi pu peñi doi cüme quimnieingün chumngechi ñi püneal ti plata. Cafei ayüliyiñ taiñ quelluntucual apolafiyiñ ti papel Solicitud de voluntario local de diseño y construcción (DC-50).

PEFINGE TI VIDEO TRIPACOI BRASIL MU, CA HUIÑOLDUNGUNGE TI MÜLEYECHI RAMTUN

¿Chem afmatuleimu chumngechi tañi huelucontu quelluntucuhun pu peñi, pu lamngen Brasil mu?