29 abril–5 mayo
SALMO 34 CA 35
Ülcantun 10 ca ngillatun | Nütram amulcünual chi trahun (1 min.)
1. “Rumel püramyeafiñ ta Jehová”
(10 min.)
David huesa rupalu rume, püramyefi ta Chau Jehová (Sl 34:1; w07-S 1/3 pag. 22 parr. 11).
David quisutu saquiuquelafui, Jehová mai saquifi (Sl 34:2-4; w07-S 1/3 pag. 22 parr. 13).
David tañi püramyefiel ta Jehová, yafültucufi tañi pu hueni (Sl 34:5; w07-S 1/3 pag. 23 parr. 15).
Jehová montulfi David Abimélec ñi cuhu mu, fei 400 huentru quiñehui David engu. Fei engün huesa duamcülefuingün Saúl ñi duam mu (1Sa 22:1, 2). David raquiduamtucupelafi tüfachi pu huentru huirintuculu ti Salmo 34.
RAMTUUNGE: “Nütramcafili pu peñi ca lamngen trahun mu, ¿chem piafun ñi püramyeafiel ta Jehová?”.
2. Cüme quintuafiyiñ falinque dungu Biblia meu
(10 min.)
-
Sl 34:7. David feipilu “Jehová ñi cüme püllü toltoucülei reque”, ¿chem pifel? ¿Chem quimeltuqueiñmu? (w22.01 pag. 6 parr. 12, 13).
-
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Sl 34:1-22 (th quimeltun 5).
4. Eluunge tami nütramcacheal
(2 min.) CHEU RUME MÜLELMI. Tami nütramcafiel quiñe che pepi dungulaimi Biblia mu, catrüconi ti nütram (lmd quimeltun 1 troquiñ 4).
5. Huiño pemetufinge ti che
(4 min.) CHEU RUME MÜLELMI. (lmd quimeltun 2 troquiñ 4).
6. Quimfalcünunge tami feyentuqueel
(5 min.) Pengelün dungu. ijwfq articulo 59. Dungu: Pu Dunguquelu Ineingen Jehová, ¿chumngechi dulliqueingün chem fiesta mu ñi conal? (th quimeltun 17).
Ülcantun 59
7. ¿Chumngechi püramyeafuiñ ta Jehová trahun mu?
(15 min.) Ngüneduamngeal pu che engün.
Taiñ trahun mu püramyeafuiñ ta Jehová. ¿Chumngechi femafuiñ? Ngüneduamaiñ cüla dungu.
Taiñ nütramcan: Nütramcafiliyiñ taiñ pu peñi, pu lamngen, feipiaiñ fente ñi cüme piuquengen ta Jehová (Sl 145:1, 7). Allcütupeiñ chi cam papeltuiñ quiñe dungu taiñ quellueteu, cüme tripai taiñ amuldungun, yafültucueiñmu chi ñi femün ca ñi feipin quiñe peñi cam lamngen, afmatueiñmu chi ñi pefiel quiñe dungu Jehová ñi deumael. Com feitachi cümeque dungu Jehová mu cüpai (Snt 1:17). Puuliyiñ petu ñi connon ti trahun, nütramcayafuiñ tüfa.
Taiñ huiñoldungun: Fill trahun yafüluhuaiñ taiñ huiñoldungual quiñe rupa rume (Sl 26:12). Huiñoldunguafuiñ tati ramtun cam caquelu dungu ñi feipin ti parrafo, quiñe troquiñ Biblia, quiñe adentun ca chumngechi inangeafui ti quimeltun. Fentren peñi ca lamngen ca ayüniei ñi huiñoldungual, feimu cümei taiñ pepicayal mufüque huiñoldungun. Loncontucuaiñ, 30 segundo müten alüñmale taiñ huiñoldungun, caquelu che ca huiñoldunguafui ñi püramyeafiel ta Jehová (Heb 13:15).
Ülcantun mu: Com piuque mu ülcantulelafiyiñ ta Jehová (Sl 147:1). Müleliyiñ quiñe fütra trahunche mu, elungelayafuiñ chi taiñ huiñoldungual, huelu com iñchiñ ülcantulelafuiñ ta Jehová. Cüme ülcantuquelan piafuiñ, huelu yafüluuliyiñ ñi cüme entual taiñ ülcantun, ayühuelafiyiñ ta Jehová (2Co 8:12). Cafei ruca mu pepicantuafuimi ti ülcantun.
Pengelnge ti VIDEO Taiñ rupan cuifi mu doi amulniengei: Taiñ falin ayüfal ül (troquiñ 1). Fei hula ramtunge:
Jehová ñi troquiñche, ¿chumngechi pengelquei ñi falintuquefiel ti ülcantun ñi püramyeafiel ta Chau Dios?
