4-10 marzo
SALMO 16 CA 17
Ülcantun 111 ca ngillatun | Nütram amulcünual chi trahun (1 min.)
1. “Jehová, eimi meu cüpai com tañi cümeque dungu”
(10 min.)
Nieliyiñ cümeque hueni serfiquefilu Jehová, müna ayühuelqueiñmu (Sl 16:2, 3; w18.12 pag. 26 parr. 11).
Ayüucülequeiñ taiñ hueniyefiel mu ta Jehová (Sl 16:5, 6; w14-S 15/2 pag. 29 parr. 3).
Jehová quelluqueiñmu taiñ hueniyenieafiel, feimu cüme duamcülequeiñ (Sl 16:8, 9; bh pag. 116 parr. 5).
David reque doyümqueiñ cüdahuelafiel ta Jehová, feimu ayühun-ngechi mongen yenieiñ.
RAMTUUNGE: “Tañi serfiniefiel mu Jehová, ¿chumngechi doi cümelcaletui tañi mongen?”.
2. Cüme quintuafiyiñ falinque dungu Biblia meu
(10 min.)
-
Sl 17:8. David feipilu “cuñiutucuen tami curalnge reque”, ¿chem pifel? (w24.01 pag. 27 parr. 6).
-
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Sl 17:1-15 (th quimeltun 5).
4. Eluunge tami nütramcacheal
(1 min.) FILL RUCA MU. Mangelfinge ti che ti Trahun Jesús tañi lan ñi acordangeal (th quimeltun 11).
5. Eluunge tami nütramcacheal
(3 min.) FILL RUCA MU. Mangelfinge ti che ti Trahun Jesús tañi lan ñi acordangeal. Doi cüpa quimle ti che, nütramcange ca feipinge tamu peal ti video Acordayafiyiñ Jesús ñi lan (th quimeltun 9).
6. Eluunge tami nütramcacheal
(2 min.) CHEU RUME MÜLELMI. Mangelfinge ti che ti Trahun Jesús tañi lan ñi acordangeal (th quimeltun 2).
7. Quimeltufinge ti che ñi inayafiel ta Jesús
Ülcantun 20
8. ¿Chumngechi pepicahuafuiñ ñi acordayal Jesús tañi lan?
(15 min.) Ngüneduamngeal pu che engün.
Domingo 24 marzo acordayaiñ Jesús tañi lan chumngechi taiñ huercüeteu ta Jesús. Acordayaiñ ñi femün Jehová ca Jesús fente taiñ piuqueyenieteu (Lu 22:19; Jn 3:16; 15:13). ¿Chumngechi pepicahuafuiñ tüfachi falin trahun mu?
-
Ayühunquechi mangelafiyiñ pu che epu falin trahun mu: ñi acordayal Jesús tañi lan ca ti hueupin hulngealu quiñe semana faltale. Huirintucuaimi com tati che tami mangelal. Quiñeque tati pu che cañpüle mülele, ¿chumafuiñ? Quintuafuiñ jw.org mu cheu ñi femngeal ti trahun ca chem hora.
-
Doi amuldunguaiñ marzo ca abril cüyen mu. Precursor auxiliarngeafuimi 15 cam 30 hora mu.
-
Conle 18 marzo, eluhuafuimi tami papeltual chem ñi rupan ti quiñelehuechi semana ñi mülepan Jesús mapu mu. Ti pagina 6 ca 7 mu peafuimi chem nütram tami papeltual. Eimi dulliafuimi chuchi tami papeltual.
-
Feichi antü ñi acordangeal Jesús tañi lan, jw.org mu peafimi ti video feipilelu Hueupin pulihuen mu ñi acordayal Jesús ñi lan.
-
Mülepuliyiñ ti trahun mu, cüme llohuafiyiñ tati pu trahuhuequenolu ca tati mangelngechi che. Niefule engün quiñe ramtun, eluhuaimi tami huiñoldunguafiel. Ayüle, feipiafimi tami huiño pemetuafiel tañi doi quimal.
-
Petu ñi femngenon ti falin trahun ca deu rupale, raquiduamtucuaimi Jesús tañi lan.
Pengelnge ti VIDEO Acordayafiyiñ Jesús ñi lan. Fei hula ramtunge:
¿Chumngechi püneafuiñ feitachi video taiñ mangelafiel pu che?
9. Chillcatun Biblia Trahunche mu
(30 min.) bt cap. 6 parr. 18-24, huichulechi dungu pag. 48.
