Moyse tañi Ley dungu feypikefuy ti wentru ayülu ñi wüdayafiel ñi domo, mülefuy ñi eluafiel kiñe wirin dungu, femngechi tañi re wüdawnoal pu che. Welu Jesus ñi antü mu, pu longkolechi religioso elkünukefuy pu wentru ñi pekan wüdayafiel tañi domo (nwtsty kimelün dungu Mr 10:4 ka kimelün dungu Mr 10:11). Jesus feypi Chaw Jewba elkünuy ñi niewal pu che (Mr 10:2-12). Feymu pu kurewen yafüluwkey kiñe che reke müten ñi feleal engu, femngechi ñi rumel kiñewküleal. Ti lifru Matew pengelkey Biblia ñi feypin mu, pu kurewen wüdawafuy mülele müten pekan kudumuwün dungu (Mt 19:9).

Famülke mu, pu kurewen rupan mu wedake dungu wüdakey ley dungu mu. Feymu inayentukefingün pu farisew ñi rakiduam, fey yamlafingün ti kurewen chumngechi ñi femün ta Jesus. Welu pu kristiano kurewen, rume falintukey ñi eldungukünuel niewlu engün, feymu yafüluwkeyngün ñi küme elkünutual ñi weda rupameken, fey inaniekeyngün Biblia ñi ngülam. Pefinge ti video Pu familia piwkeyewle ka yamuwle, kiñewküleay, ka wiñoldungunge ti müleyechi ramtun:

• Tami kurewen-ngen mu, ¿chumngechi inanieafuymi ñi feypin Proverbios 15:1? ¿Chumngelu am falin-ngey?

• Ñi ngülamtukeel Proverbios 19:11, ¿chumngechi kelluafeymu tamu küme yewal?

• Mülele wedake dungu tami kurewen mu, ¿chem müley tami ramtuwal, fey rakiduamnoal tamu wüdawal?

• Matew 7:12, ¿chumngechi kelluafeymu tami doy küme füta kam domongeal?