Piuqueyeule pu familia, doi quiñeucüleaingün ca hueluquentu quelluhuaingün. Fei, ¿chumngechi tati pu curehuen ca tati pu chau pengelafui ñi piuqueyechequen?

Quiñe cüme füta falintuñmaquefi tañi domo ñi raquiduam ca chem tañi duamnieel (Ef 5:⁠28, 29). Cafei eluquefi tañi familia com ñi duamnieel tañi mongeleam. Huelu ca quelluquefi tañi pu che ñi cüme hueniyeafiel ta Jehová. Feimu fill semana yafüluuquei tañi chillcatual Biblia tañi familia engu (1Ti 5:⁠8). ¿Pu domo cai? Ti domo poyequefi tañi huentru ca yamniequefi (Ef 5:⁠22, 33; 1Pe 3:⁠1-6). Fei ti huentru ca ti domo epuñpüle eluuquei tañi perdonahual engu (Ef 4:⁠32). Fei, ¿pu chau cai? Mülei tañi duamtunieafiel quisuque tañi pu yall ca quelluafi engün tañi piuqueyerpuafiel ta Jehová (Dt 6:⁠6, 7; Ef 6:⁠4). Fei pu chau cümeafui ñi ramtuhual: “Tayu pichiqueche, ¿chem cüdaungechi dungu rupaquei colegio meu? Ngangecamequengele colegio meu, ¿chumafuyu tayu quelluafiel?”. Felei llemai, piuqueyeule ti familiahuen, cüme duamcüleaingün ca hueluquentu cuñiutucuucüleaingün.

PEFINGE TI VIDEO TAIÑ PU CHE MEW PENGELAIÑ TI PIWKEYEWÜN TURPU AFKENOLU, CA WIÑOLDUNGUNGE TI MÜLEYECHI RAMTUN:

• Quiñe füta, ¿chumngechi pengelafui ñi piuqueyefiel tañi domo?

• Quiñe domo, ¿chumngechi pengelafui ñi rume yamniefiel tañi füta?

• Pu chau, ¿chumngechi quelluafui tañi pu yall ñi doi fülconcüleal Ngünechen mu?