Tati pu papeltuquelu Biblia mülei ñi rüf feyentuleal Chau Jehová mu, femngechi ayühulafi (Heb 11:6). ¿Chumngechi quelluafuiñ taiñ pu papeltuquelu? Trür ngüneduamafuiñ ti lifru ¡Rumel ayüucüleaimi!. Feitachi lifru niei falinque troquiñ Biblia, adümfalngechi quimeltun, cümeque ramtun, niei video ca ayüfalchi dibujo müleyei. Quellufiliyiñ taiñ pu papeltuquelu ñi inayentuafiel ta Jesús ca ñi cüme hueniyeafiel Jehová, quiñe nehuencülechi ruca reque feleaingün (1Co 3:12-15).

Quiñeque che feipingefule: “Eimi hueniyeafuimi ta Chau Dios”, cüdautuafui tañi feyentual pequenofilu am. Femngechi quelluafuiñ tañi quimafiel chumngen ta Jehová ca ñi maneluhual engün.

PEFINGE TI VIDEO PÜNEAFIMI CHI LIFRU “¡RUMEL AYÜUCÜLEAIMI!” TAMI QUELLUAFIEL CHE ÑI FEYENTUAL JEHOVÁ MU, CA HUIÑOLDUNGUNGE TI MÜLEYECHI RAMTUN:

• ¿Chumngechi quimiyiñ ñi cüme pepicahun ti lamngen ñi enseñalafiel ti domo?

• Ti lamngen, ¿ca chem ramtufi ti domo ñi feipial chem raquiduamcülen ñi feipin Isaías 41:10, 13?

• Ti video ca ti troquiñ Biblia, ¿chumngechi duameleyu tati domo?

Fentren che entendequelaingün chumngelu ñi lapan ta Jesús cam quiñe regalo reque cüpalu Chau Dios mu troquiquelafingün (2Co 5:15). Feimu mülei taiñ quelluafiel ñi adümal tüfachi dungu, fei ñi feyentual engün.

PEFINGE TI VIDEO PÜNEAFIMI CHI LIFRU ¡RUMEL AYÜUCÜLEAIMI! TAMI QUELLUAFIEL CHE ÑI FEYENTUAL JESÚS MU, CA HUIÑOLDUNGUNGE TI MÜLEYECHI RAMTUN:

• ¿Chumngechi quimiyiñ ñi cüme pepicahun ti peñi ñi enseñalafiel ti huentru?

• Ti peñi, ¿chumngechi pünefi ti troquiñ “Ca peafuimi” ñi raquiduamelafiel ti estudiante?

• ¿Chumngelu fente falin-ngei ti papeltuquelu ñi llellipual?