Tati lifru What Can the Bible Teach Us? (petu tripalay mapudungun mu) ti lifru Biblia ñi kimeltukeel reke feley. Mür kimeltukeyngu trür femngechi rüf dungu ka trür adkünukey. Welu tüfachi we lifru doy adümfalngen mu kimeltukey ka rakiduamelchekey. Dewmangey ñi küme adümnieafiel tati pu che newe adümnofilu ti lifru Biblia ñi kimeltukeel. Af tüfachi we lifru mu nielay ti Doy Kimngeam pingechi dungu, welu may nieyey fillke kimal dungu küme kimfalkünulu fillke dungu ngüneduamngelu tati chillkatun mu. Ellakonchi chillkatun mu ngelay ramtun ka wichulechi dungu no rume ñi wiñoinaduamngeal kiñeke dungu. Welu may pichi nütramkangekey fillke rüf dungu kimeltungelu feychi chillkatun mu. Ti lifru Biblia ñi kimeltukeel reke, tüfachi we lifru wülngeay amuldungun mu chem küyen mu rume. ¿Chumngechi allmalltuafuiñ taiñ kimeltulelafiel Biblia tati pu che tüfachi adümfalchi lifru mu?

PICHI NÜTRAMKANGEKEELCHI DUNGU: Epe kom che küme chillkatukey ta Biblia, papeltufile kom chi parrafo ti lifru Biblia ñi kimeltukeel mu ka wiñoldungufile ti ramtun. Welu, ¿tati che küme kimnole kay ti kewün wirintukungelu ti lifru kam küme kim papeltunole? Fey ti amuldungukelu adümafuy tüfachi we lifru. Fey ti pichi nütramkangekeelchi dungu kelluafeyew ñi chillkatual ti che engu, ka yafültukuafuy ti che ñi kidulen papeltuafiel ti chillkatun. 15 minuto müten puwafuy ti chillkatun, fey müten duamfali ñi kimeltungeal ta che kiñe rüf dungu Biblia mu. Ti pichi nütramkangekeelchi dungu newe alüñmalay tati chillkatun reke. Feymu ti amuldungukelu müley ñi küme pepikawal ka rakiduamal ti chillkatufe ñi duamnieel mu. Ka inaduamfule engu ti chillkatun, ti pichi nütramkangekeelchi dungu kelluafeyew tati amuldungukelu ñi wiñoinaduamal ti doy falin dungu.

KIMAL DUNGU: Tati mülelu tüfachi kimal dungu mew, adkünungey chumngechi femngelu ti chillkatun mu. Tati amuldungukelu dulliay ñi inaduamal ti kimal dungu kam femnoal petu amulele ti chillkatun.