CHUMNGELU FALIN-NGEY: Amuldunguliyiñ telefono mu doy che kimelelafuiñ Chaw Jewba tañi dungu (Hch 20:⁠24). * Fey pepi tripanoliyiñ ruka mew, ka amuldungulelafuiñ ti che.

CHUMNGECHI ÑI FEMNGEAL:

• Küme pepikawnge. Rakiduamnge chem nütramkalelafiel ti che. Fey kiñe mesa mew elkünuafuymi kiñe papel nielu tami chem pial. Kafey nieafuymi kiñe electronico chemkün tami peal JW Library^® kam jw.org^®.

• Tüngduamkülenge. Chumngechi tami nütramkaken, entuaymi tami feypin. Chaf nütramkalelu reke dunguaymi. Ayelenge. Alüñmakilpe tami ñüküfkülen. Trür amuldunguafuymi kiñe compañ engu. Fey ti che ramtuelmu kiñe dungu, eymi wiño feypiaymi tami ramtungeel, fey tami compañ kimay ti ramtun, ka kintuafuy ti wiñoldungun. Fey wüla pengelelaeymu, fey eymi femngechi wiñoldungulelafuymi ti che. Longkontukunge: kelluwün mu tripakey dungu.

• Eluwnge tami wiño nütramkayafiel. Elkünulelafimi ti che kiñe ramtun, fey ka antü wiño mütrümafimi. Kafey correo electronico mu mandalelafuymi kiñe falin papel. Kam yelelafuymi. Ka femngechi mandalelafuymi kiñe video kam kiñe falin dungu mülelu taiñ pagina mu. Feypiafuymi ti che ñi konal taiñ sitio jw.org.