Com ti huesaque dungu ñi ruparupangen, Jehová tañi paciencia afai. Afle tañi paciencia ta Jehová, apümcangeai com ti coilaque religion, quiñeque troquiñche lefcontuafi Jehová tañi pu che, ca Jehová apümcayafi com ti huesaque che Armagedón mu. Tüfachi dungu epechi aculniefiyiñ.

Fentrequen dungu quimlaiñ chumngechi tañi rupayal ti fütra cutrancahun mu. Por ejemplo, quimlaiñ chumül ñi acual ti fütra cutrancahun. Ca quimlaiñ chem mu ti pu gobierno tañi caiñetuafiel pu religion. Ca quimlaiñ chumteñma mu ñi caiñetungeal Jehová tañi pu che. Ca quimlaiñ chumngechi Jehová tañi apümcayafiel tati pu huesaque che Armagedón mu.

Huelu llicalelayaiñ. Biblia feipiqueiñmu quiñeque dungu taiñ tüngcüleal. Por ejemplo, feipieiñmu pichiñma mu ñi ngehuenoal huesaque dungu (2Ti 3:1). Cafei caiñetungele com pu religion, quimnieiñ ti rüfngechi religion apümcangelayai (Mt 24:22). Jehová montulafi tañi pu che (2Pe 2:9). Ca quimnieiñ Jehová dullifi ta Jesús, fei nehuen-ngei ca norngei, femngechi ñi apümcayafiel pu huesaque che ca ñi montulafiel tañi pu che Armagedón mu (Ap 19:11, 15, 16).

Com feitachi dungu ñi rupayal, pu che rume llicaleai (Lu 21:26). Huelu iñchiñ llicalayaiñ, ¿chumngelu? Papeltuliyiñ ca raquiduamliyiñ chumngechi Jehová montulfi tañi pu che cuifi mu, ca chem ñi feipicünuel ñi rupayal cüpalechi antü mu, fei quelluaiñmu. Femngechi nehuentuleaiñ, yafüluucüleaiñ ca maneluucüleaiñ taiñ montulngeal (Lu 21:28).