Jesus wüne eluwi ñi nütramkayafiel tati domo Samaria mapu tuwlu, fey wüla dungufi Chaw Dios ñi dungu. ¿Chumngechi doy küme nütramkayafuymi pu che tami kimnofiel rume?

• Wenikantuyeafimi pu che tami nütramkayafiel. Kansalefulu rume, Jesus eluwi ñi nütramkayafiel tati domo, fey “eluafen pichin ko” pifi. Eymi ka femafuymi. Ayüwün mu chaliafimi pu che, fey wüla ramtuafuymi: “¿Tremoleymi? ¿Ngelay ta dungu? ¿Chumley tami pu che?”. Femafuymi kom tüfa tami küme nütramkayafiel pu che. Welu küme llownoelmu kiñe che, amulepe tami nütramkayafiel kakelu che. Llellipufilmi ta Jewba, kidu kelluaeymu tami nütramkayafiel pu che ngenollükan mew (Ne 2:4; Hch 4:29).

• Upewkülenge tami amuldungulelafiel pu che, welu dungufemlayafimi Ngünechen mu. Femülmi tüfa, ti che weda duamküleafuy ka eluw-welayafuy tami allkütuaetew. Feymu eluwnge ñi küme amuleal ti nütramkan. Welu fentepuwle tüfa petu tami dungunofiel ta che Jewba mu, weda duamkülekilnge. Küdawtulmi tami amuldungulelafiel pu che Jewba ñi dungu, eluwnge tami doy nütramkacheal müten, amuldungunolmi rume Ngünechen mu. [Pengelnge ti video 1 ka ngüneduamnge pu che engün].

• Kintuafuymi chumngechi nütramkalelafiel pu che Chaw Ngünechen ñi dungu. Feypifilmi kiñeke dungu tami feyentuel, ti che ramtuafeymu kiñeke dungu. Jesus femngechi femi, ka ti domo doy küpa kimi, fey ramtueyew kiñeke dungu. Ñi wiñoldunguafiel, feychi mu müten Jesus nütramkalelfi Chaw Ngünechen ñi dungu. [Pengelnge ti video 2 ka ngüneduamnge pu che engün. Ka femngechi femaymi wüla ti video 3 mu].