Taiñ quelluaeteu, Jehová elcünui taiñ pu peñi ca pu lamngen (1Pe 5:9). Fei engün quelluafeiñmu ñi cüme tripayal taiñ amuldungun cüdau. Raquiduamnge ñi rupan ta Pablo, fei ta rume quellueyu Áquila, Priscila, Silas, Timoteo ca caquelu che (Hch 18:1-5).

Pu peñi, pu lamngen ¿chumngechi quelluafeimu tami doi cüme amuldungual? Fei engün feipiafeimu chumngechi doi cüme huiñoldunguafuimi tami catrütudungueteu, ca doi cüme adümelafeimu tami huiñopemetuafiel pu che ca estudialelafiel Biblia. Raquiduamnge, tami trahunche mu ¿inei quelluafeimu tami doi cüme amuldungucheal? Fei “quelluen” piafuimi. Femngechi femülmi, eimi ca tami quellueteu cüme tripayaimu ca doi ayüucüleaimu (Flp 1:25).

PEFINGE TI VIDEO FEIPILELU QUELLUAFIEL PU CHE ÑI DISCIPULONGEAL AYÜHULQUEIÑMU: LLOHUAIÑ JEHOVÁ ÑI QUELLU: TAIÑ PU PEÑI CA PU LAMNGEN, CA HUIÑOLDUNGUNGE TI MÜLEYECHI RAMTUN:

• ¿Chumi Ester ñi mangelafiel Jade tañi amual trahun mu?

• Chillcatulelfiliyiñ Biblia ta che, ¿chumngelu cümeafui taiñ compañaeteu caquelu peñi ca lamngen?

• Jade ca Abigaíl, ¿chem dungu ayüfingu?

• Tami pu compañeteu amuldungun mu, ¿chem dungu meu adümelafeimu?