Feitachi pichilehuechi antü mu rupaqueiñ huesaque dungu mu, huelu Biblia quelluqueiñmu taiñ chaftuafiel (2Ti 3:1, 16, 17). Huelu quiñeque mu quimlayafuiñ chem ngülam doi quelluafeiñmu. Eimi chau ca ñuque, ¿quintuqueimi ngülam chumngechi tami cüme tremümafiel tami pu pichiqueche? Eimi hueche, ¿quintuqueimi ngülam tami quelluaeteu doi maneluhual Jehová mu? Eimi peñi, lamngen lantuimi chi, ¿quintuquepelaimi ngülam tami quelluaeteu? Conafuimi jw.org mu, femngechi fentren cümeque ngülam peafuimi tami quelluaeteu (Pr 2:3-6).

Amunge ta jw.org mu, fei pütaf-finge cheu feipi BIBLIA ÑI QUIMELTUQUEEL (inaduamnge adentun 1). Pütaf-filmi, peaimi fillque dungu huiriconcülelu. Fei dulliafuimi quiñe tami doi duamnieel. Cafei, amuafuimi cheu feipi CHEM TAIÑ ENTUEL fei pütafafuimi cheu feipi FILLQUE DUNGU TAMI PAPELTUAL. Femülmi, peafimi fillque dungu, fei dulliaimi quiñe tami doi ayünieel (inaduamnge adentun 2). JW Library^® mu ca femafuimi tüfa. * Huenche ayüafuimi chi tami peafiel müten. Cafei amuafuimi cheu feipi “Quintual”, fei mu huirintucuafuimi quiñe dungu tami cüpa quimal.

Ti pichi troquiñ mu feipilu “Quintual” huirintucuafuimi ti cüpalechi cüla dungu. Fei hula, dulliafuimi quiñe dungu tami ayünieel.

• Pu pichiqueche ñi tremümngeal

• Huechequeche

• Layeluhun