CHUMNGELU FALIN-NGEY: Jewba tañi füreneaetew, tati pu chillkatukelu Biblia müley ñi wülal tañi mongen kidu mu ka fawtisawal (1Pe 3:21). Tati pu femkelu ñi mongen mu tañi feypikünufiel ta Jewba, küñiwtukungeay ñi weniyefiel kidu (Sl 91:1, 2). Iñchiñ, Jesu tañi pu inanieetew, wülkünuiñ taiñ mongen Chaw Ngünechen Jewba mu müten, wülkünulaiñ tüfa kiñe küdaw mu, kiñe che ka kiñe trokiñche no rume. Feymu, tati pu chillkatukelu müley ñi piwkeyerpuafiel ka yamnieafiel ta Jewba (Ro 14:7, 8).

CHUMNGECHI ÑI FEMNGEAL:

• Petu tamu chillkatumekeel Biblia, ngüneduamkeaymu chem kimeltukey Jewba mew. Pengelnge ñi falin-ngen taiñ papeltuafiel Biblia fill antü, ka ‘rumel ngillatulekeal’ ta Jewba (1Te 5:17; San 4:8).

• Yafültukufinge tati chillkatukelu ñi diturpual tañi wülal ñi mongen ta Jewba, ka ñi fawtisawal. Kafey, kellufinge ñi diturpual kakelu dungu, tüfa ñi wiñoldungual ti trawün mu, kam amuldungulelafiel tañi karuka che, ka ñi chaf kompañ küdaw mu. Rakiduamnge tüfa mu, Jewba dikümtukukelafi iney no rume ñi poyeaetew, feymu llemay kidutu tati che müley ñi dullial ñi wülal tañi mongen Jewba mu (Dt 30:19, 20).

• Feypifinge tati chillkatukelu chumngelu falin-ngey ñi kakünutual tañi mongen ñi tuteafiel Jewba ka pepikawküleal ñi fawtisawal (Pr 27:11). Küdawngelu am ñi elkünutual wedake chumngen ka wimtun, tati chillkatukelu duamnieafuy tañi kellungeal ta kiñe püle künual tañi kuyfi mongen, fey ñi nieal kiñe we mongen reke (Ef 4:22-24). Pengelelfinge kiñeke nütram “La Biblia les cambió la vida” mülelu ti chillka La Atalaya.

• Nütramkalelfinge fente tami ayüwülkeetew poyekefiel ta Jewba (Is 48:17, 18).