“Tüfachi lifru Ley dungu ngelay ñi püntüleal eymi mew, antü ka pun mu müley tami papeltuafiel ñochi dungun mu, femngechi tami küme femal kom tati wirintukulelu fey mew; fey nieaymi küme felen tami rüpü mew ka femngechi kimchengerpuaymi.”

Josué 1:8

“Amuley ñi papeltuafiel engün newen dungun mu tati lifru, Ngünechen ñi Ley dungu, tüfa küme kimfalkünungey ka feypingey ñi chem pifel, fey kellufingün tati pu che ñi küme kimafiel ñi chem feypilen ti papeltun.”

Nehemías 8:8

“Ayüwün niey tati wentru miyawkenolu tati wedake piwkengechi che ñi ngülam mu [...]. Welu may ñi rume ayüwkülen müley Jewba ñi ley dungu mew, antü mu ka pun mew papeltukey Ñi ley dungu ñochi dungun mu [...]. Ka kom ñi femal küme tripayay.”

Salmo 1:1-3

“Feymew fülpulu ta Felipe, allküñmafi ti etiopiache ñi chillkatupen Isaia ñi wirielchi dungu ti Wirin Chillka mew, feymew ramtufi: —¿Ngüneduamfimi kay tami chillkatupeel? Fey ti Etiopiache llowdungueyew: —¿Chumngechi am kimafun, ngenolu iney rume ñi feypiafetew ñi chem pifel ta tüfachi dungu?”

Hecho 8:30, 31

 “Ngünechen tati pekenoel, welu felefuy ñi kimngeael, küme inaduamngele itrofill tañi dewmael. Feychi dewmangelu müten ta tüfachi mapu, fente küme kimngekey kisu ñi mülen ka ñi Ngünechenngen ka tañi pepiluwünngen.”

Romanu 1:20

“Fente küme kom ngüneduamfinge tüfachi dungu, femngechi tañi kom peael engün chumngechi tami doy küme adümniefiel tati dungu.”

1 Timotew 4:15

“Kintuaiñ chumngechi taiñ welukonke kelluwael ka taiñ doy piwkeyewael ka taiñ femael kümeke dungu. Ka femkünuwlayaiñ taiñ trawüluwael.”

Ebrew 10:24, 25

“Fey kiñeke eymün nienolmün Ngünechen ñi kimün, ngillatufimün ta kisu, fey Ngünechen ta eluaeymünmew. Kisu elukefi itrokom che ñi kimael kisu ñi küme dungu ka chem dungu rume ñi feypiel felekey müten.”

Santiaw 1:5