“Awem Belen Efrata, [...] eymi mew tripayay iñche ngealu feychi longko ülmenkülealu Israel mapu mew.”

Miqueas 5:2

“Jesus choyüngey ta Belen waria mew, kiñe waria mülelu Judea trokiñ mapu mew, feychi mew ta Erode longko ülmenkülerkey Judea trokiñ mapu mew. Feychi küpay kiñe mufü kimke wentru tuwlu tripawe antü püle.”

Matew 2:1

“Welukentu wüdamnentuyngün iñche tañi weshakelu, ka suertiañmaenew tañi takuwün.”

Salmo 22:18

“Feymew ti pu soltaw welukonkechi feypiwingün: —Wikürlayafiyiñ. Suertiayafiyiñ iñchiñ taiñ kimael ñi ineyngeael ti takuwün. Famngechi mupiy tati Wirin Chillka feypilelu: “Kisukengealu engün wüdamkañmaenew ñi takuwün, ka suertiañmaenew iñche ñi takuwün.” Fey tüfa ürke tañi femün tati pu soltaw.”

Juan 19:24

“[Chaw Ngünechen] kuñiwtukuñmafi kom tañi foro; kiñe no rume ñi trafoñmangenoal.”

Salmo 34:20

“Welu fülpulu Jesus mew engün, pefingün ñi dew lan. Feymew trafoñmangelay ñi chang.”

Juan 19:33

“Chükadngey iñchiñ taiñ welulkan mu.”

Isaías 53:5

“Welu ka femngechi, kiñe ti pu soltaw nülañmafi kiñe püle ta Jesus ñi kadi kiñe wayki mew, feymew müten wütrutripay ko ka mollfüñ.”

Juan 19:34

“Kullienew engün tañi kullitu, küla mari moneda plata ürke.”

Zacarías 11:12, 13

“Kiñe tati mari epu disipulu, tati Juda Iskariote pingelu, amuy tañi pemeafiel tati pu longkolelu tati pu saserdote mew, fey feypifi: —¿Tunten pülata anta elumuafun kay? Fey iñche chalintukuleluwafuiñ ta Jesus —pi. Fey kisu engün feypi ñi tunte wülael: —Küla mari moneda pülata —pingey.”

Matew 26:14, 15; 27:5