NOE NIEY ñi domo, ka küla fotüm. Pu fotüm pingekefuyngün Sem, Kam, ka Jafet. Kiduke ñi fotüm ka kurengefuyngün. Fey mew, mülekefuy pura che Noe ñi reñma mew.

Jewba fewla femi, Noe ñi dewmael kiñe kimngenochi dungu. Feypifi ñi dewmayal kiñe fütra wampo ruka. Ti fütra wampo ruka doy fütra farku reke, welu ñi ad kiñe fütra wif ngey pitaka (caja) reke. ‘Küla piso ngeay’, pi Ngünechen, ‘ka nieay katrüntüku.’ Ti katrüntüku ñi ngeael Noe ka ñi reñma, pu kulliñ, kom ñi iyael engün.

Ngünechen feypifi Noe ñi dewmael ti fütra wampo ruka ñi konpanoal ko. Feypi: ‘Küpalan kiñe fütra mangiñ ko, ka apümkayafiel kom mülelu Mapu. Feychi kon-nolu ti fütra wampo ruka mu, layay.’

Noe ka ñi pu fotüm feyentufingün Ngünechen ka pürüm (pür) küdawingün ñi dewmayal. Welu kakelu che ayekawingün müten. Amuley ñi wedachengen. Iney no rume feyentulay ñi chem pietew Noe ñi femal Ngünechen.

Doy fütrarupalu am, rupay fentren tripantu ñi dewmangeal chi fütra wampo ruka. Fentren tripantu rupay, fey wüla dewmangey. Fey wüla Ngünechen feypifi Noe ‘tukuafimi pu kulliñ üye mu’. Feypifi ñi tukuafiel kiñe mür kulliñ kiñeke trokiñ mu, wentru kulliñ ka domo kulliñ. Welu kakelu kulliñ, Ngünechen feypifi ñi tukuafiel regle üye mew. Ka feypifi Noe ñi küpalal itrofill üñüm. Noe rüf femi chumngechi ñi pietew Ngünechen.

Fey mu, Noe ka tañi pu reñma, ka koningün chi fütra wampo ruka. Feymew, Ngünechen rakümtükufi ti wülngiñ. Ponwi mu, Noe ka tañi pu reñma üngümleweyngün. Rakiduamnge tami üngümkülen üye mew. ¿Mülepeafuychi kiñe fütra magiñ ko ñi chumngechi feypikünun Ngünechen?