MOYSE küparkefuy ti fütra wingkul mu Oreb pingelu, ñi kintukachual ñi pu ufisa. Tüye mew perumey kiñe pichi anümka lululkülelu kütral mew, ¡welu tüfachi pichi anümka af lüflay!

‘¡Chem am chi!’ rakiduami Moyse. ‘Doy küme pemeafiñ’, pi. Püllekonpulu, ti pichi anümka mew kiñe dungun feypieyew: ‘Doy fülkonpakilnge. Nentunge tami okota, mülepaymi ta lif mapu mu.’ Chaw Ngünechen ürke ñi dungun kiñe werken küme püllü mew rangiñelwe künufi, feymu Moyse takuy ñi ange.

Feymew Ngünechen feypi: ‘Kimnien chumngechi ñi kutrankawkülepun tañi pu che Egipto mew mülepulu. Iñche neykümafiñ engün, eymi werküaeyu tami nentupuafiel engün.’ Jewba yeafulu ñi pu che feychi küme mapu Kanaan pingelu.

Welu Moyse feypi: ‘¿Iney am ta iñche? ¿Chumngechi am femafun tüfa? Iñche amuli feypiaenew: “¿Iney anta werküeymew?” ¿Chem llowdunguafiñ engün am?’

‘Tüfa feypiafimi,’ llowdungueyew Ngünechen. ‘“JEWBA ta Abraam ñi Ngünechen, Isaak ñi Ngünechen, ka Jakob ñi Ngünechen feyta werküenew eymün mew”.’ Jewba ka feypieyew: ‘Fey tüfa tañi üy rumel (turpu) mew.’

‘Welu ¿feyentunoelimu engün, iñche feypifili ta eymi tami werküfiel?’, ramtuy Moyse.

‘¿Chem nieymi tami kuwü mew?’, ramtuy Ngünechen.

Moyse feypi: ‘Kiñe retrü.’

‘Elkünufe mapu mew,’ pieyew Ngünechen. Femlu Moyse, tañi retrü nierkelu kiñe filukünuwi. Feymew Jewba pengelfi Moyse kangelu afmatun dungu. Feypifi: ‘Miñche takun, tukulnge tami kuwü.’ Moyse femi, ka nentutulu ñi kuwü, ¡ligküley pire (piren) reke! Lepra kutran nielu reke. Feymew Jewba elufi Moyse newen ñi femal külachi afmatun dungu. Af mew feypifi: ‘Feymu kom tüfachi afmatun dungu, chi pu Israel che feyentuaymu engün Iñche ta werküeyu.’

Fey wüla, Moyse wiñolu ñi ruka mu, feypifi Jetro: ‘Füreneafen, eluan tañi wiñotual Egipto mu ñi pepuafiel chumleyngün tañi pu reñma.’ Feymew Jetro chaliwüdafi Moyse, ka llituy ñi wiñotual Egipto mu.