FENTRENKE waria Kanaan mapu mu fewla pepikawi engün ñi kewayafiel (weychayafiel) Israel. ‘Wewalu’ trokiwingün. Welu tati pu che Gabaon ti waria mu ‘femnoalu’ trokingün. Kidu engün feyentuley Ngünechen ñi kelluniefiel tati pu Israel che, pilay ñi kewayafiel Ngünechen engün. Feymu lle, ¿kimimi chumün pu Gabaon che?

Fey mu femfaluwingün ñi mülen fütra kamapu mew. Fey mew kiñeke che tukuley wichafka takun, wedake okota. Chechümkünufi wedake saku (karpa) wente tañi pu furiku, ka yeniengün angken trallay kofke. Fey amuyngün Josue mew, ka feypifingün: ‘Küpaiñ fütra kamapu mew, allkütulu am iñchiñ tamün fütra Ngünechen ñi femün, Jewba. Allkütuiñ kom ñi femkeel Egipto mu eymün mew. Feymu taiñ pu longkolelu feypieiñmew: “Pepikamün iyael (yagel) tamün yenieal, ka feypiafimün,” pieiñmew: “Eymi ta konayemuayiñ. Feypiaymün tamün kewatumunoafiel ta iñchiñ.” Eymün penieymün taiñ takun wedañmawi tati fütra kamapu kay taiñ küpan, ka ti kofke angküy ka trallaymawi.’

Josue ka kakelu longkolelu feyentufi tati pu Gabaon che. Feymu lle feypikünufi: ‘Kewawlayayiñ eymün engün.’ Welu küla antü mew peyngün pu Gabaon che rüf püllelerken engün (püchü tripaleyngün).

Josue ramtufi: ‘¿Chumngelu (chemu) feypimuyiñ tamün fütra kamapu küpan?’

Tati pu Gabaon che llowdungufingün: ‘Feypingeiñ tamün Chaw Ngünechen Jewba feypikünuy tamün eluaetew kom tüfachi Kanaan mapu mu. Fey mew llükayiñ taiñ langümmuaetew.’ Welu tati pu Israel che femi kom tañi piel engün, ka langümlafingün tati pu Gabaon che. Welu feymu, tañi pu kona ngerpuyngün.

Feyti longkolelu Jerusalen mu lladküy, tati pu Gabaon che am kümelkawlu Israel engu. Fey mew feypifi kakelu meli longkolelu: ‘Küpayaymün ka kellumuan ñi kewayafiel Gabaon.’ Fey mu femingün ti kechu longkolelu. ¿Kimchengepeyngün may pu Gabaon che ñi kümelkawün Israel engu, küpalu fewla feytichi pu longko ñi kewayafiel fey engün? Peafiyiñ.