4 TROKIÑ
Llitu wünen Rey Israel, ka yengelu chi pu che Babilonia mew
Saul wünen Rey Israel ngerpuy. Welu Jewba kiñepülekünueyew, fey dullifi (ngümintufi) David ñi Rey ngeal welukünufi Saul. Ngüneduamayiñ fentren dungu David mu. Weche wentrungelu keway kiñe fütra wentru engu, Goliat pingelu. Rupachi antü mu, lefmawfi chi ütrirfe rey Saul. Feymu Abigail katrütufi David ñi femnoal kiñe wedwedngechi dungu.
Fey wüla kimafiyiñ fentren dungu Salomon mu, David ñi fotüm, nürpuy David ñi rey-ngekefel Israel mew. Ti wünen küla rey Israel, kiduke meli mari tripantu ngünenierpuy. Dew lalu Salomon, Israel mapu wüdamngey epu trokiñ, kiñe pikun trokiñ, ka kiñe waywen (sur) trokiñ.
Ti pikun trokiñ, niekefuy mari trokiñ reñma, niefuy 257 tripantu petu ñi apümnoetew pu Asiria che mew. Feymew, rupay 133 tripantu, ti waywen trokiñ, niekefuy epu trokiñ reñma, kafey apümngeyngün. Feymew pu Israel che yengeyngün Babilonia mew. Feymew kom tüfachi MELI TROKIÑ mew, ruparkey 510 tripantu, ka feychi mu peafiyiñ fentren dungu ta yafyafüñmayay taiñ piwke ayüwlu.
TÜFACHI TROQUIÑ MU
NÜTRAM 56
Saul wünen rey Israel mew
Wünelu mu dullieyew Ngünechen, welu fey wüla famentueyew. Entuafuiñ kiñe falin ngülam Saul ñi rupan mu.
NÜTRAM 58
David ka Goliat
David kewatulafi ta Goliat kiñe witruwe mew müten, welu may kiñe doy newen-ngechi dungu mu.
NÜTRAM 59
Chumngelu lefmawi David
Ellaka mu, Saul duamtuyeniefi ta David, welu fey wüla, ñi ütrirüwün mu, küpa langümfi ta David. ¿Chumngelu?
NÜTRAM 60
Abigail ka David
Abigail ‘wedwedngechi wentru nien’ pirkey ñi montulafiel tañi mongen… pichiñma mu.
NÜTRAM 61
David Rey ngerpuy
David pengeli ñi pepikawkülen ñi küme longko ülmen-ngerpual Israel mu, tañi femürpun ka tañi femürpunon mu.
NÜTRAM 62
Wedake dungu David ñi ruka mu
Kiñe weda femün mu, küpali alün wedake dungu kidu mew ka tañi pu che mu, fentren tripantu mu.
NÜTRAM 63
Ti kim wentru rey Salomon
¿Rüfngepey may Salomon ñi katrüafiel kiñe we püñeñ epu trokiñ mu?
NÜTRAM 64
Salomon dewmay ngillatuwe ruka
Doy fütra kim longko ülmen-ngefuy rume, Solomon yefaluwi ñi femal kiñe weda wedwedngechi dungu.
NÜTRAM 65
Ti reyno wüday
Dew llitulu Jeroboan ñi ngünenieel, ngüyulfi tati pu che ñi inanoafiel Ngünechen ñi ley.
NÜTRAM 67
Jeosafat maneluwkey Jewba mu
¿Chumngelu tati pu weychafe inayngün tati pu ülkantufe nienolu weychawe?
NÜTRAM 68
Epu pichi wentru wiñomongetuy
Kiñe lachi che ¿wiñomongelngepeafuy may? ¡Dew rupay kuyfi mu!
NÜTRAM 69
Kiñe malen kellufi ülmen-ngechi wentru
Ti pichi malen llükalay ñi nütramelfiel, ka kiñe afmatun dungu tripay.
NÜTRAM 70
Jona ka ti fütra challwa
Jona kimi kiñe falin kimeltun: doy kümey ñi feyentungeal Jewba ñi piel.
NÜTRAM 71
Ngünechen feypikünuy ta müleay kiñe küme rumel mülewe
Ti wünelechi küme mülewe alüngelay; welu tüfa diturpuay itrokom Mapu.
NÜTRAM 72
Ngünechen kellufi ta Esekia
Kiñe pun müten, kiñe küme püllü langümfi 185.000 asirio weychafe.
NÜTRAM 74
Kiñe wentru llükan nienolu
Jeremia rume weche wentrungelu ñi pelon wentrungeal trokiwi, welu Ngünechen kimi ñi pepilün.
NÜTRAM 75
Meli wecheke wentru babilonia mu
Küme triparpukey tañi femkeel engün, püntüngelu rume tañi pu reñma engün.
NÜTRAM 76
Jerusalen apümngey
¿Chumngelu Ngünechen eluñmay tati Israel ñi pu kayñe, tati pu babiloniache, ñi apümkayafiel Jerusalen waria?