TÜFACHI küme ad domo feyta Maria. Israel che ngey, ka müley Nazaret pingechi waria mu. Ngünechen kimi tañi rume kim küme che ngen. Feymu lle werküy tañi werken püllü Gabriel pingelu ñi dungumeafiel. ¿Kimimi chem dungu feypifi Gabriel ta Maria? Peafiyiñ.

‘Mari mari rume fürenengechi domo,’ pieyew Gabriel. ‘Jewba müley eymi mew.’ Maria turpu pekelafuy tüfachi che. Rakiduamkülewey, kimnolu am chem pifel kidu. Welu pürüm (pür) Gabriel tüngkünueyew.

‘Llükakilnge Maria,’ pi. ‘Jewba rume ayüwküley eymi mew. Feymu lle femay kiñe afmatun dungu eymi mu. Pichin mu nieaymi kiñe wentru püñeñ. Jesu üytükulelafimi.’

Gabriel amuley ñi kimeltuniefel: ‘Tüfachi pichi wentru rume fütra kim falin wentrungeay, ka üytungeay Alüpüralechi Chaw Ngünechen ñi Fotüm ngen. Jewba reykünuaeyew, David reke. ¡Welu Jesu rumel rey ngeay, ka tañi reyno chumkawnorume aflayay!’

‘¿Chumngechi femay kom tüfa?’ ramtuy Maria. ‘Fütangelan ka mülelan kiñe wentru iñchiw, ¿chumngechi nieafun kiñe püñeñ?’

‘Ngünechen ñi newen püllü akuay eymi mew,’ pieyew Gabriel. ‘Fey mew ti pichi wentru Ngünechen ñi Fotüm pingeay.’ Fey mew feypieyew: ‘Tukulpange tami reñma Elisabet. Tati pu che feypikefuy rume kusey (kudey) ñi nieam püñeñ. Welu pichin mu nieay kiñe püñeñ. Fey mu, peymi, Ngünechen mew ngelay chem dungu no rume pepilfalnolu.’

Fey mew müten Maria feypi: ‘¡Iñche mew ngen-ngey Jewba! Felepe may iñche mew tami feypipefielchi dungu.’ Fey mew amutuy chi werken püllü.

Maria lef amuy ñi pemeafiel ta Elisabet. Elisabet allkülu Maria ñi dungun, fey ñi püñeñ nengümkawi ñi pütra mew fente ñi ayüwün mu. Elisabet apoy reke ti lif küme püllü mew ka feypifi ta Maria: ‘Eymi doy küme felen elueymew kom ti kakelu pu domo mew.’ Maria rupay küla küyen Elisabet engu, ka feymu wiñotuy Nasaret mu.

Pichin mu Maria fütangealu Jose pingechi wentru engu. Welu Jose kimlu Maria ñi niepüñeñkülen, müte ayüwetulay ñi kurengeal. Feymu Ngünechen ñi werken püllü feypieyew: ‘Llükakilnge tami nieafiel Maria. Ngünechen may elueyew kiñe püñeñ.’ Fey Maria ka Jose niewi engu, ka üngümküleyngu (ingelküleyngu) ñi choyüngeal Jesu.