TÜFACHI weche wentru mülelu Pablo engu Timotew pingey. Timotew müley ñi reñma engün Listra pingechi waria mu. Tañi ñuke Eunise pingey ka tañi chuchu Loyda pingey.

Tüfa küla rupa Pablo amulu ta Listra waria mu. Kiñe tripantu mu chi, Pablo ka Bernabe wüne mülepafuyngu faw ñi amul dungukeel mu. Fewla Pablo wiñotuy tañi weni Sila engu.

¿Kimimi chem ñi feypifiel Pablo ta Timotew? ‘¿Ayülafuymi Sila iñchiñ ñi amual?’ ramtuy. ‘Kellumuafuyiñ ñi amul dunguafiel ta pu che kamapu müleyelu.’

‘May,’ llowdunguy Timotew, ‘ayüafun ñi amual.’ Feymu lle, pichiñma mu Timotew elkünuy tañi reñma (pu che), ka Pablo Sila engün amuy. Welu petu taiñ kimnoafiel ñi miawma engün, peafiyiñ chem ñi rupalen ta Pablo. Dew (chay no) rupay mari regle tripantu ñi pewfaluwetew Jesu ti rüpü puwlu ta Damasku.

¡Tukulpange, Pablo amuy Damasku re ñi wedalkamekeafiel Jesu ñi pu inanieetew, welu fewla kidu ka inaniefi ta Jesu! Alüñma wüla, kiñeke kayñe ayüy (küpa) ñi langümafiel ta Pablo, welu tati pu disipulo kellueyew ñi lefmawal. Tukungey kiñe fütra chaywe mu, nakümngey ti waria ñi wallmalechi kura malal, feymu wekuntu elkünungey.

Fey wüla, Pablo amuy ñi amul dungual Antiokia ­waria mew. Tüfa mu, llituy ñi kristiano pingeam Jesu tañi pu inanieetew. Feymew wüla Pablo Bernabe engu werküngey ñi amul dungual kakewme kamapu mu, llitulu Antiokia waria mu. Kiñe tati pu waria ngemelu Listra pingechi waria, Timotew ñi mülen ürke.

Fewla, kiñe tripantu mu chi wüla, Pablo ka wiñotuy epu rupangechi Listra waria mu. Tripalu Timotew Pablo Sila engün, ¿kimimi chew ñi amun engün? Adkintunge ti wenulechi adentun, ka kimtükuayiñ.

Wüne, amuyngün ti püllelechi (püchü tripalechi) Ikonio waria mu, fey mew amuyngün Antiokia pingechi waria mew. Fey wüla amuyngün ta Troa, rupayngün Filipo, Tesalonika ka Berea. ¿Pefimi Atena waria ti adentun mu? Üye mew Pablo amul dunguy. Fey mew rupay kiñe rangi tripantu amul dungukeyngün Korinto waria mew. Af mew pichiñmameyngün Efeso waria mu. Fey mew wiñotuyngün farku mu ta Sesarea, ka pürayngün ta Antiokia, chew umañpuyngün.

Fey mew Timotew amuy rume fentren kilometro ñi kelluafiel ta Pablo ñi amul dungual tati “kümeke dungu”, ka ñi llitual fentren trawüluwün. Tremülmi eymi, ¿küme kona ngeaymi ta Ngünechen Timotew reke?