Falinque nütram Biblia mu:

• Gé 24:1-4, 7. Abrahán ayülafui tañi fotüm Isaac ñi niehual quiñe Canaán domo engu poyequefilu coilaque dios, feimu eluhui ñi quintulelafiel quiñe domo poyequefilu ta Chau Jehová.

• Gé 28:1-4. Isaac feipifi tañi fotüm Jacob ñi quintunoal quiñe Canaán domo, doi mai quiñe domo poyequefilu ta Chau Jehová.

Falinque nütram Biblia mu:

• 1Re 11:1-6, 9-11. Salomón inalafi Chau Jehová ñi ley, quintui domo cañpüle cüpalu, femngechi reyüconi ñi poyeafiel coilaque dios. Feimu Chau Jehová rume illcui.

• Ne 13:23-27. Nehemías inayentuquefi ta Jehová, feimu ngüneduamlu pu Israel che ñi niefiel domo poyequenofilu Jehová, rume illcui. Fei ngülamtufi ca norümtufi engün.

Falinque nütram Biblia mu:

• 1Sa 25:2, 3, 14-17. Nabal ricungefui, huelu trencül piuquengei ca huesa chengei. Feimu pofre huentrungefui tañi domo ñi adquiñ mu.

• Pr 21:9. Cüme dullinoliyiñ taiñ afcadi, ayüucülehuelayafuiñ ca tüngcülehuelayafuiñ.

• Ro 7:2. Pablo feipi pu domo fütangelu mülei ñi eluucüleal tañi ngünenieaeteu tañi huentru culpafe chengelu, feimu mülei ñi cüme dullial tañi afcadi.

Falinque nütram Biblia mu:

• Pr 24:27. Quiñe huentru petu ñi nienon afcadi cam yall, mülei ñi rume cüdahual, femngechi pepicaucüleai ñi cuñiutucuafiel tañi pu che.

Falinque nütram Biblia mu:

• Rut 2:4-7, 10-12. Boaz ngüneduami Rut ñi rume cüdauquen, ñi yamquefiel ta Noemí. Allcüi ñi cüme dunguyengen Rut ca ñi rume piuqueyefiel ta Jehová, femngechi cüme quimürpufi Rut ñi chumngechi chengen.

• Rut 2:8, 9, 20. Rut ngüneduami Boaz ñi cutranpiuqueyechen, ñi rücü chengenon ca ñi rume piuqueyefiel ta Jehová.

Falinque nütram Biblia mu:

• Pr 5:18, 19. Mülei quiñeque dungu ñi femuhual pu curehuen müten.

• Can 1:2; 2:6. Ti hueche huentru ca ti üllcha domo pengelingu ñi lif piuqueyehun, conlaingu pod cudumuhun dungu mu.

• Can 4:12; 8:8-10. Ti üllcha domo quim ngüneniehui, trürümngei quiñe malal reque mülelu fentren rayen.

Falinque nütram Biblia mu:

• Gé 21:8-12. Abrahán müte ayünofulu rume ñi feipieteu tañi domo Sara, Chau Jehová feipieyu ñi allcütuafiel.

• Pr 31:10, 11, 16, 28. Quiñe quim huentru ngüneniequelafi com ñi femquen tañi cüme domo ca quintuquelai chem dungu mu ñi huelulcauquen, doi mai manelniefi ca saquiquefi.

• Ef 5:33. Ti apostol Pablo feipi pu domo duamniei tañi huentru ñi pengelelaeteu tunte tañi piuqueyeteu.

Falinque nütram Biblia mu:

• Pr 1:8; 1Co 7:4. Chau Jehová elufi pu domo ca ñuque falinque cüdau ti familia mu.

• 1Co 11:3. Ti apostol Pablo feipi com pu che niei inei tañi ngünenieteu, Chau Jehová müten inei no rume ngünenielaeyu.

• Heb 13:7, 17. Ti trahunche mu pu huentru ca pu domo mülei ñi allcütuafiel pu loncolelu.

Falinque nütram Biblia mu:

• Gé 18:12; 1Pe 3:5, 6. Sara rume yamniequefui tañi huentru Abrahán, feimu “tañi ñidol” piquefui ñi raquiduam mu.

 Falinque nütram Biblia mu:

• Gé 24:62-67. Isaac lalu tañi ñuque, Rebeca quellueyu ñi yafüluucületual.

• 1Sa 25:14-24, 32-38. Abigaíl pemefi ta David ñi cutranpiuqueyeaeteu, femngechi cuñiutucufi tañi trencül huentru ca montulfi tati pu che ñi ruca mu.

• Esd 4:6-17; 5:1-8; 7:1-6; 8:3-6. Ester epu rupa cuñihun mu tucui ñi mongen. Mütrümngenolu rume pemefi tañi huentru loncolelu. Femngechi incañpefi Chau Dios ñi pu che.