Ngülam
Ngülamtungeliyiñ
¿Chumngelu (chemu) mülei taiñ quintual ngülam Biblia mu?
Sl 32:8; Pr 15:22; 19:20; 20:18
Ca inaduamfinge Pr 11:14; Is 28:29; Jer 32:19.
Ngülamtungeliyiñ, ayüafuiñ taiñ pürüm huiñoldungual, huelu ¿chumngelu doi cümeafui taiñ allcütual müten?
Pr 12:15; 29:1
Ca inaduamfinge Pr 1:23-31; 15:31.
-
Falinque nütram Biblia mu:
-
1Sa 15:3, 9-23. Samuel norümtufilu tati lonco ülmen Saúl, tüfa müchai müten quintui chumngelu huesalcalelafui ñi femün, fei lloulafi ti ngülam. Feimu Chau Jehová famentueyu.
-
2Cr 25:14-16, 27. Amasías culpalu, Chau Jehová ñi huerquen ngülamtueyu, huelu Amasías allcütulafi. Feimu Chau Jehová famentueyu ca quisucünueyu.
-
Ngülamtueliyiñmu pu loncolelu, ¿chumngelu mülei taiñ yamnieafiel?
1Te 5:12; 1Ti 5:17; Heb 13:7, 17
-
Falinque nütram Biblia mu:
-
3Jn 9, 10. Fücha huentrungelu apostol Juan, illcutufi ta Diótrefes ñi yamnienofiel pu loncolelu.
-
¿Chumngelu mülei taiñ allcütual pu füchaqueche?
Le 19:32; Pr 16:31
Ca inaduamfinge Job 12:12; 32:7; Tit 2:3-5.
-
Falinque nütram Biblia mu:
-
1Sa 23:16-18. Ti lonco ülmen David allcütufi Jonatán ñi ngülam, 30 tripantu doinieyu. Tañi feipin yafültucueyu.
-
1Re 12:1-17. Ti lonco ülmen Rehoboam allcütulafi pu füchaqueche ñi ngülam, doi mai allcütufi pu huechequeche, feimu rume huesa tripai.
-
Pu huechequeche, huentru, domongeafui rume, poyefile ta Chau Jehová, hulafui cümeque ngülam. ¿Chumngelu feipiafuiñ tüfa?
Job 32:6, 9, 10; Pr 31:1, 10, 26; Ec 4:13
Ca inaduamfinge Sl 119:100.
-
Falinque nütram Biblia mu:
-
1Sa 25:14-35. Abigaíl ngülamtufilu ta David, fentren che montui ca David conlai langümuhun dungu mu.
-
2Sa 20:15-22. Quiñe quim domo mülelu Abel huaria mu, tañi ngülam mu montulfi rume fentren che.
-
2Re 5:1-14. Ñi ngülam mu quiñe pichi domo Israel tuhun-ngelu, quiñe fütra hueichafe quimürpui chumngechi tremotual tañi lepra cutran mu.
-
¿Chumngelu allcütuñmalayafiyiñ ñi ngülam pu yamquenofilu ta Chau Jehová ca tati Biblia?
Sl 1:1; Pr 4:14
Ca inaduamfinge Lu 6:39.
-
Falinque nütram Biblia mu:
-
1Cr 10:13, 14. Ti lonco ülmen Saúl mülefui ñi ramtuafiel ta Chau Jehová, huelu ramtufi quiñe calcu domo. Feimu lai ñi allcütunofiel ta Chau Dios.
-
2Cr 22:2-5, 9. Ti lonco ülmen Ocozías cüme dullilafi tañi pu ngülamtufe, feimu latripai.
-
Job 21:7, 14-16. Job lloumalafi ñi ngülam pu yamnienofilu ta Chau Jehová.
-
Ngülamtucheliyiñ
Petu taiñ ngülamtunon, ¿chumngelu doi cümei allcütual com pu coneltulelu ca quimal com ti dungu?
Pr 18:13, 17
Ca inaduamfinge Pr 25:8.
-
Falinque nütram Biblia mu:
-
1Sa 1:9-16. Ti hunen lonco sacerdote Elí cüme ngüneduamlai com ti dungu, feimu ngollilelu troquifi ta Ana ca huesa entui ñi ngülam.
-
Mt 16:21-23. Pedro norümtufi ta Jesús, huelu tañi ngülam quiñeucülelafui Jehová tañi pin mu. Pedro ngüneduamlafui rume ñi quiñeucülen Huecüfü ñi pin mu.
-
Petu taiñ ngülamtuchenon, ¿chumngelu mülei taiñ llellipuafiel ta Chau Jehová taiñ quelluaeteu?
Sl 32:8; 73:23, 24; Pr 3:5, 6
-
Falinque nütram Biblia mu:
-
Éx 3:13-18. Moisés quelluen pifi ta Chau Jehová ñi huiñoldunguafiel pu Israel che ñi ramtun.
-
1Re 3:5-12. Huechengelu ti lonco ülmen Salomón, llellipufi ta Chau Jehová ñi eluaeteu quimün, quisutu maneluulai. Feimu Jehová cümelcaeyu.
-
¿Chumngelu Biblia mu mülei ñi entual taiñ ngülam?
Sl 119:24, 105; Pr 19:21; 2Ti 3:16, 17
Ca inaduamfinge Dt 17:18-20.
-
Falinque nütram Biblia mu:
-
Mt 4:1-11. Jesús huiñoldungufi ta Huecüfü quisu tañi quimün no, Biblia ñi feipin llemai.
-
Jn 12:49, 50. Inayentuafiyiñ ta Jesús, quisu quimeltuchei chem ñi quimeltueteu tañi Chau.
-
Ngülamtufiel mu quiñe che, ¿chumngelu mülei taiñ ñom piuquengeal ca quintual chem mu ñi saquiafiel?
Ca inaduamfinge Is 9:6; 42:1-3; Mt 11:28, 29.
Quiñe peñi raquiduamle ñi huesa femeteu cangelu peñi, ngünencaeneu cam dalluntucueneu piafui chi, ¿chumngelu ngülamtuafiyiñ ñi quisu nütramcahual engu?
Ca inaduamfinge Le 19:17.
Quiñe peñi huesalcangelu troquiule, ¿chumngelu ngülamtuafiyiñ ñi cutranpiuqueyecheal, ñom chengeal ca perdonacheal?
Mt 18:21, 22; Mr 11:25; Lu 6:36; Ef 4:32; Col 3:13
Ca inaduamfinge Mt 6:14; 1Co 6:1-8; 1Pe 3:8, 9.
-
Falinque nütram Biblia mu:
-
Mt 18:23-35. Quiñe falin nütram mu Jesús quimeltui ñi falin-ngen perdonacheal.
-
Ngülamtuchen mu, ¿chumngelu falin-ngei incayafiel Chau Jehová ñi ley dungu?
Sl 141:5; Pr 17:10; 2Co 7:8-11
-
Falinque nütram Biblia mu:
-
1Sa 15:23-29. Samuel eluulai ñi llicalcayaeteu ti lonco ülmen Saúl, fei ngülamtufi müten.
-
1Re 22:19-28. Micaya aneltungei ca hulelcangei, huelu feipifi müten tati lonco ülmen Acab chem ñi rupayal.
-
Ngülamtufiel mu quiñe che, ¿chumngechi dunguafiyiñ taiñ huelulcanoafiel tañi feyentun mu?
-
Falinque nütram Biblia mu:
-
Lu 22:31-34. Huelulcauquefui rume ti apostol Pedro, Jesús maneluhui quisu mu ñi norcünutual tañi femün, ñi serfinieafiel Jehová ca ñi quelluafiel caquelu che.
-
Flm 21. Apostol Pablo maneluhui Filemón mu ñi inañmayaeteu tañi ngülam Chau Dios mu cüpalu.
-
Quiñe che rupamequele huesaque dungu mu cam ngañhuadcülele, ¿chumngechi ngülamtuafuiñ piuqueyen mu?
Quiñe che culpale, ¿chumngechi quimfalcünuafuiñ taiñ cüpa quellufiel ñi huiñotual Chau Jehová mu?
¿Chumngechi yamün mu ngülamtuafiyiñ chem che rume, huentru, domongeafui rume, huechequeche cam füchaqueche?
Quiñe peñi tunte rupachi ngülamtungele Biblia mu, huelu allcütuquelai, ¿chumngelu pu loncolelu mülei ñi nehuentu norümtuafiel?
Eimi ca ayüafuimi
IÑCHIÑ TAIÑ DUNGU
Huirintucunge tami pemengeal
Ngüneduamnge quiñe ramtun Biblia mu, cam doi quimafuimi pu Dunguquelu Ineingen Jehová.
