KIMELTUN 5
¿Chem duam niey Dio Mapu mu?
1. Dio, ¿chumgelu (chemu) dewmafi tüfachi Mapu?
Jewba dewmay tüfachi Mapu tati pu che ñi müleam. Ti wünen kurewen, Adan ka Eva, dewmangelayngu ñi apolal che wenu mu. Dio dew dewmay tati pu werken püllü ñi müleam üye mew (Job 38:4, 7). Jewba elkünufi tati wünen wentru kiñe tutengechi malaltüku rayen, Eden pingefuy (Génesis 2:15-17). Kafey Jewba elufi kidu ka tañi küpalechi pu yall engün, nieafuyngün ayüwüngen afnoachi mongen tüfachi Mapu mew. Chillkatunge Salmo 37:29, ka 115:16.
Ti Eden malaltüku rayen, kiñe trokiñ mapu müten. Adan Eva engu mülefuy ñi nieal pu yall ñi apolal tüfachi Mapu, ka pichin-pichin ñi amul alülerpual feychi küme mülewe (Génesis 1:28). Tüfachi Mapu rumel müleay kom pu che ñi ruka reke, ka chumkaw no rume apümgelayay. Chillkatunge Salmo 104:5.
Pefinge ti video ¿Chumngelu Chaw Ngünechen dewmay ti Mapu?
2. Famülke mew, ¿chumgelu (chemu) am ngewetulay kiñe küme mülewe Mapu?
Adan ka Eva feyentunofilu Dio am, ka wemünentungeyngu Eden mu. Feymu lle tüfachi küme mülewe ñami, ka iney (iñi) no rume pepi ñi wiño küme elkünutuafiel. Biblia feypi tüfachi Mapu elukünungey tati pu wedake che (Job 9:24). Chillkatunge Génesis 3:23, 24.
¿Jewba ngoymay tañi wünen duam ta kom pu che? Femlaafuy lle may, kidu am kom pepiluwün ngelu, ka chumkaw no rume weda tripakelay ñi dungu (Isaías 45:18). Küpalechi antü mu, Dio femay kom pu che müleay femgechi llitul mu ayülu ñi feleal. Chillkatunge Salmo 37:11, 34.
3. ¿Chumgechi wiño küme elgetuay tati Küme Rumel Mülewe?
Jesu Rey ngey Dio ñi Ngünenielu Mapu, ka femay tüfachi Mapu kiñe küme rumel mülewe ngetual. Jesu ka tati pu werken püllü engün apümafi Dio ñi pu kayñe ti awkan (weychan) Armagedon mu. Feymew, püresukünuafi Satana, kiñe rume weda püllü, kiñe warangka tripantu. Eva feyentulafi Dio, tüfachi weda püllü ngünenkalu mu am. Jesu ngüyulkünuafi ka ingkayafi tati Dio ñi pu kona ñi montual engün ti apümkayal mu, ka af mew ayüwküleayngün ñi nieal afnoachi mongen, kiñe Küme Rumel Mülewe mew. Chillkatunge Apokalipsi 20:1-3, ka 21:3, 4.
4. ¿Chumül am afay ti kutrankawün?
¿Chumül Dio apümkayafi kom wedake dungu? Jesu wüli kiñe “kimgeam dungu” ñi pengelal chumül fülkülepay feychi antü. Chumgechi feley chi dungu kom wallon mapu famülke mew, llükalkatuniey kom pu che ñi mongen, kom tüfa pengeli ta iñchiñ müleyiñ “ñi afal tüfachi mapu mew müleyechi dungu” (Matew 24:3, NM). Chillkatunge Matew 24:7-14, 21, 22.
Wenu mew Jesu ngüneniele tüfachi Mapu, kiñe warangka tripantu mu, apümnierpuafi kom chew tuwi ti kutrankawün (Isaías 9:6, 7; 11:9). Kafey feychi piwkeyefilu ta Dio, Jesu apümafi kom ñi yafkan engün. Fey mew, Jesu ñi rangiñelwe ngen, Dio apümafi tati kutran, füchan ka lan dungu. Chillkatunge Isaías 25:8, ka 33:24.
5. ¿Iney (iñi) engün am müleay tati Küme Rumel Mülewe mew?
Ti Trawünwe Ruka mu kimaymi che ñi piwkeyeniefiel Dio, ka ayüy ñi kimal chumgechi femal Chaw Dio ñi ayükeel mu
Tati pu che feyentukefilu Dio müleayngün tati Küme Rumel Mülewe mew (1 Juan 2:17). Jesu werküfi ñi pu inaniekeetew ñi kintuafiel tati pu küme piwkengelu ñi kimeltuafiel engün, chumgechi ñi wewal ñi llowaetew Dio. Famülke mew, Jewba pepikaniefi rume fentren che ñi müleal feychi Küme Rumel Mülewe mu (Sofonías 2:3). Feychi pu trawükelu ti Trawünwe Ruka tati pu Dungukelu Iney (iñi) Ngen Jewba, kimeltukengeyngün ñi küme fütangeal ka küme chaw ngeal, ñi küme kurengeal ka küme ñuke ngeal. Pu chaw, ñuke ka pichike che trür poyekefi Dio, ka kimelgey ñi küme mongen yenieal engün, tati kümeke dungu mu feypikelu Biblia. Chillkatunge Miqueas 4:1-4.
