KIMELTUN 9
Tami reñma, ¿chumgechi ayüwküleafuy?
1. ¿Chumgelu (chemu) am doy falingey kurewengeal chumgechi ñi feypin ta ley dungu?
Biblia niey “ta afmatufalchi kümeke dungu tuwi ti ayüngechi Dio mu” (1 Timotew 1:11, NM). Tüfachi ayüngechi Dio, ayüy pu reñmawen ñi ayüwküleal. Kidu elkünuy kurengeal che. Kurengeal chumgechi pin ti ley dungu doy falingey ñi ayüwküleal ti reñma mu, elu am kiñe küme mülewe chew ñi tremümkayal tati pu yall. Tati pu ayükelu ñi feyentuafiel Dio müley ñi yamnieafiel tati ley dungu elkünungey ñi wirintükual pu kurewen. Chillkatunge Luka 2:1, 4, 5.
Dio pekefi ti kurewen ñi rumel kiñewküleal kiñe wentru ka kiñe domo engu. Jewba ayükey ti wentru ka domo epüñpüle müley ñi ñiwañpewnoal (Ebrew 13:4). Üdefi ti wüdakünuwün (Malaquías 2:16). Welu, Jewba eluñmakey kiñe che ñi wüdayal ka wiño kurengetual, wiño fütangetual ka che engu, femle ñi kompañ ñiwan dungu. Chillkatunge Matew 19:3-6, 9.
2. Kiñe wentru ka kiñe domo che, ¿chumgechi müley ñi yeniewal engu?
Jewba dewmay ti wentru ka domo welukentu ñi kelluwal engu (Génesis 2:18). Ti wentru longkoley ñi reñma mew, feymu lle longkolelu müley ñi yenieal iyael (yagel), ka kimeltunieafiel ñi pu che Dio ñi Dungu mew. Ka kidu inaye kutrankawkey ñi piwkeyefiel ñi domo. Ti pu kurewen müley ñi piwkeyewal ka yamniewal engu. Mür engu enkañgey, ka müley ñi kimal ñi wiño rakiduamawal welukentu ñi ayüwküleam engu. Chillkatunge Efesio 4:31, 32; 5:22-25, 33, ka 1 Pedro 3:7.
3. Ayüwkülenolmi tami kurewen mu, ¿müley ñi fentepual kurewen mu?
Niele wedake dungu kiñe kurewen, mür engu müley ñi newentual ñi kümelkawal piwkeyewün mu (1 Korintio 13:4, 5). Dio ñi dungu ngülamtukelay “püntuaymün” tañi afal wedake dungu niele ta kurewen. Chillkatunge 1 Korintio 7:10-13, NM.
4. ¿Chem ayükey Dio tati pu yall mu?
Jewba ayükey tati pu yall ñi ayüwküleal. Feymu lle, elukeeymew kümeke ngülam ta chumgechi eymi tami doy ayüwküleal tami weche ngen mu. Ka ayükey tami kümelkayaetew tami chaw ka ñuke ñi kimün, ka ñi doy kimnien kom dungu mu ñi rupaken ñi mongen mu (Kolosense 3:20). Ka ayükey tami ayüwkülen, ka tami serfiafiel Dio ka tañi Fotüm. Chillkatunge Eclesiastés 11:9–12:1; Matew 19:13-15, ka 21:15, 16.
5. Eymün chaw ka ñuke, ¿chumgechi tamün pu yall peafuyngün ta ayüwün dungu?
Tati pu chaw ka ñuke müley tamün fentren küdawal tamün elunieafiel tamün pu yall iyal (yagel), nieal ruka, ka nieal takuam (1 Timotew 5:8). Welu feyka müten no. Kafey müley tamün kimeltuafiel ñi piwkeyeafiel, ka inayentunieafiel Dio (Efesio 6:4). Pu chaw ka ñuke küme pengelkele engün ñi rüf piwkeyefiel Dio, feymew dituñmafi ñi pu yall ñi piwke mu. Kiñe kimeltuken tuwküley Dio ñi Dungu mu, kelluafuy tamün pu yall ñi küme rakiduamal. Chillkatunge Deuteronomio 6:4-7, ka Proverbios 22:6.
Tati pu yall duamniey ñi yafülungeal ka ñi feypingeal “rume küme künuymi tami dungu” tañi kümeke femken. Ka kiñeke mu duamfali ñi ngülamtungeal, ka ñi norümgeal, femgechi kiñepülekünual ñi wedalkayaetew (Proverbios 22:15). Welu, chumkaw no rume weda piwke mu mülelay ñi ngülamtungeal, ka rume kutrankangenoal. Chillkatunge Kolosense 3:21.
Pu dungukelu iney ngen Jewba dewmakey fentren lifru ñi kelluafiel tati pu chaw ka ñuke, ka pu yall. Kom tüfachi lifru tuwüngey Biblia mew. Chillkatunge Salmo 19:7, 11.
Eimi ca ayüafuimi
TAMI REÑMA AYÜWKÜLEAFUY
Kurewen kintufimu ta Ngünechen tamu ayüwküleal
Epu küdawngenochi ramtun müley, kelluaymu tamu kurewen-ngen.
TAMI REÑMA AYÜWKÜLEAFUY
Chumngechi tañi norümal tati wedake dungu
Chumngechi tami chaftual tati wedake dungu yafüluwküleal ka ayüwküleal, kam yafülngenoal ka weñangküleal tamu kurewen-ngen.
