Jewba küme elkünutuafi Weküfü ñi wedalkakünuel. Chaw Ngünechen elfalkünufi ta Jesu ñi longko ülmenkülerpual kom chi Mapu mew. Ngüneniele Jesu, ti Mapu kiñe küme rumel mülewe ngetuay (Daniel 7:13, 14; Matew 5:5).

Tüfachi dungu feypikünuy Jewba:

• FENTREN IYAEL MÜLEAY: “Tati Mapu wülay ñi fün; Ngünechen, taiñ Chaw Ngünechen, kümelkayaeiñmu”. “Fentren iyael müleay tüfachi Mapu mew; [kenü] wente wingkul kütu wefpayay ti fün” (Salmo 67:6; 72:16).

• NGEWELAYAY WEYCHAN: “Küpamün, ka adkintunieafimün Jewba ñi femmeken, afmatufalchi dungu ñi femkeel Mapu mew. Apümkaniefi ti weychan itrokom Mapu mu” (Salmo 46:8, 9).

• NGEWETULAYAY WEDAKE CHE: “Tati pu wedake che apümngeay [...] Ka pichin antü mu, ti wedake che ngewetulayay engün; eymi pukintuaymi chew ñi mülekefel, welu mülewetulayay engün üye mew” (Salmo 37:9, 10).

•  NGEWELAYAY KUTRAN, EYÜTUN KA LAN NO RUME: “Feychi antü mew pu trawma tañi nge pelotuay, tati pu pilu ngelu allkütuay engün. Feychi antü mew tati kuntrongelu wemul reke ringküyaway, ka tati ketro wirarpüramay ñi ayüwün mu” (Isaías 35:5, 6).

  “Fey Ngünechen müten müleay ta kisu engün mew [...] Angkümüñmangetuay engün tañi külleñu, fey ngewelayay ta lan, ngüman no rume, eyütun no rume, kutrantun no rume. Itrokom tati mülekefulu am ta kuyfi dew ta mülewetunolu” (Apokalipsi 21:3, 4).

Weküfü ka tañi pu inuma koylatukeyngün, welu Jewba turpu koylatukelay. Kom ñi feypikünuel triparpukey (Luka 1:36, 37). Jewba piwkeyekeeymu ka ayüy tami müleal tati Küme Rumel Mülewe mew kidu ñi elkünual. Feymu, kintuafimi kiñe Dungukelu Iney Ngen Jewba tami doy kimafiel ti afmatufalchi rüf dungu mülelu Biblia mu. Eymi inaniefilmi ti rüf dungu tami mongen mu, elkünutuafimi koylake dungu, wedake feyentun ka tami küme kimnienon chi dungu. Fey küpalechi antü mew, tati Küme Rumel Mülewe mu, neykümngetuaymi reke yafkan ka lan dungu mu. Jesu ta feypi: “Kimafimün tati rüf dungu, fey ti rüfngechi dungu lifrekünutuaeymünmew” (Juan 8:32).