¡Pu weküfü langümchefengeyngün!
Weküfü ka tañi pu inuma afkentu femkeyngün wedake kuñiwün-ngechi dungu. Fütra kuyfi mu Satana langümüñmafi ñi pu kona ka ñi pu kulliñ ta Job, kiñe nor wentru ürke. Fey “kiñe fütra kürüf” mu, langümüñmafi tañi mari yall, fotüm ka ñawe, teyfükañmafi tañi ruka chew ñi mülemum engün. Fey wüla elufi kiñe ünufal kutran, amulelu kom tañi kalül mu (Job 1:7-19; 2:7).
Jesu ñi antü mu, tati pu weküfü trawmalkefuy, ka ketrolkefuy kiñeke che (Matew 9:32, 33; 12:22). Tüfachi wedake püllü mekekefuy ñi kutrankafiel kiñe wentru, feymu kidu katrüñmawkefuy kura mew (Marku 5:5). Kafey wirarelkefuyngün kiñe weche wentru, ka ‘nag lalatulkefuyngün’ (Luka 9:42).
Fütra kuyfi mu tati pu weküfü kutranelkefingün ka lalatulkefingün kiñeke che
Fanten mu Satana ka tañi pu weküfü amuley ñi langümchefengen. Doyeli ñi weda femün engün wemünentungelu wenu mapu mu. Wall Mapu püle kimngekey ñi wedalkameken engün. Elukefingün ta che fillke kutran, kontupukefingün tañi umaw mew, ka weda pewmalelkefingün. Ka malütukefingün kiñeke che. Tati pu weküfü ñi ngünen mu, kiñeke che wedwedkawingün, langümchekeyngün, ka langümuwkeyngün.
Famülke mu pu weküfü kontukefingün chi che ñi umaw mu, ka weda pewmalelkefingün. Ka tañi ngünen mu, kewatuyawülkefi tati pu che
Lintina pingechi domo, Surinam mapu mu mülelu, nütramkakey chem ñi femetew kiñe weda püllü. Tüfa langümüñmafi mari kayu ñi pu che, ka mari pura tripantu mu awükamekefi ka weluduamülkefi. Rupalu am kom tüfachi wedake dungu mu, Lintina feypi ‘tati pu weküfü müna ayükeyngün kutrankayafiel tati pu che, femngechi langümürpukefi tati pu che’.
Welu Jewba ingkaniefi tañi pu che Satana ñi wedalkameken mu (Proverbios 18:10).
Eimi ca ayüafuimi
FILLQUE RAMTUN BIBLIA MU
¿Huecüfü müten eluquefi pu che ñi cutrancahual?
Biblia pengeli chumngelu ñi cutrancauquen pu che.
