Petu tamu chillcatunon

1. 1. Cüme pepicaunge. Raquiduamnge chem duamniei ti che, chem rupamequei, chem feyentuquei. ¿Chem cüdautuafui ñi adümafiel cam ñi inayafiel tañi mongen meu? Ngüneduamnge chem ñi mülen feitichi troquiñ “Ca peafuimi” pingelu, fei raquiduamnge chem quelluafeyu ti che. Fei duamfalngele, pengelafuimi ti chillcatun meu.

Petu tamu chillcatun

1. 2. Mai pile ti che, llellipuaimi ellaca mu ca afle ti chillcatun.

2. 3. Müte dungulayaimi. Ngüneduamaimu chem ñi huiriconcülen müten ti quimeltun meu. Elufinge ñi dungual ti che.

3. 4. Chillcatufilmu quiñe hue troquiñ, hunelu papeltuaimu ti falin dungu ca feipiaimi ñi chem pilen quiñeque quimeltun feiti troquiñ meu.

4. 5. Deu chillcatulmu com quiñe troquiñ, inaduamaimu ti ramtun mülelu afchi troquiñ meu. Femngechi ti che doi cüme loncontucuai tañi quimelngeel.

5. 6. Petu inaduamfilmu quiñe quimeltun:

   1. Papeltuaimu ti hunen pagina.

   2. Papeltuaimu com ti troquiñ Biblia feipilelu ñi papeltungeal.

   3. Duamfalngele, papeltuafuimu caquelu troquiñ Biblia tripalu ti quimeltun mu.

   4. Pepi femülmu, rumel peafimu feitichi video feipilelu “Peaiñ”.

   5. Com tripachi ramtun femaimi.

   6. Trür inaduamfimu feitichi adentun tripalu ti troquiñ “Doi quimaimi”.

   7. Inaduamfimu ti troquiñ “Tami femafel”, femngechi ti che ngüneduamafui tañi chum amulen. Yafültucufinge tañi doi cüme amuleal. Femafui ñi chem pilen feitichi troquiñ cam caquelu dungu.

   8. Ramtuafimi ti che: “Pepicaulu tami chillcatual, ¿chem doi ayüfimi feiti troquiñ ‘Ca peafuimi’ pingelu?”.

   9. Chillcatulmu, cümeafui tamu inaduamafiel com quiñe quimeltun.

Deule ti chillcatun

1. 7. Raquiduamtucufinge ti che. Llellipufinge ta Chau Jehová, femngechi quelluafi ti che ñi doi cüme amuleal ca eluaimu quimün tami doi cüme quelluafiel ti che.