ELUUNGE TAMI NÜTRAMCACHEAL
QUIMELTUN 6
Nehuen piuquecünuunge
Biblia ñi ngülam: “Taiñ Chau Ngünechen ñi duam mu nehuen piuquecünuhuiyiñ, femngechi nütrameluhuiyiñ Chau Dios ñi cümeque dungu” (1 Tes. 2:2).
Jesús ñi femün
1. Pefinge ti VIDEO cam papeltunge Lucas 19:1-7. Fei hula ngüneduamfinge tüfachi ramtun:
¿Chem quimeltueiñmu Jesús ñi femün?
2. Mülei taiñ nehuen piuquecünuhual taiñ amuldunguafiel itrofill che.
Inayentufinge ta Jesús
3. Maneluunge Chau Jehová mu. Chau Dios ñi nehuen quellufi ta Jesús ñi amuldungual, fei ca femngechi quelluaimu (Mat. 10:19, 20; Luc. 4:18). Llicalelmi tami amuldunguafiel quiñeque che, llellipuafimi ta Chau Jehová, nehuen piuquecünuen piafimi (Hech. 4:29).
4. Dullintuchelayaimi. Cüdautuafuiñ taiñ nütramcayafiel quiñeque che ngüneduamfiel mu tañi ad, tañi mongen, tunten plata ñi nieel, tañi huimtun cam tañi feyentun. Huelu ngoimaquilnge:
5. Nehuen piuquecünuunge, huelu cuñiutucuunge (Mat. 10:16). Notucadungulayafimi ti pu che ca yamchequeami. Ti che cüpa allcütunoelmu cam cuñihun dungu mülei troquihulmi, yamün mu fentecünuaimi ti nütram, fei amutuaimi (Prov. 17:14).
