HUIÑO PEMETUFINGE TI CHE
QUIMELTUN 7
Fentecünulayaimi
Biblia ñi ngülam: “Fill antü [...] amulei ñi quimeltufiel pu che ca ñi huldungufiel engün ti cümeque dungu” (Hech. 5:42).
Pablo ñi femün
1. Pefinge ti VIDEO cam papeltunge Hechos 19:8-10. Fei hula ngüneduamfinge tüfachi ramtun:
¿Chem quimeltueiñmu Pablo ñi femün?
2. Cüpa huiño pemetufiliyiñ ti che ca cüpa quimeltulelfiliyiñ Biblia, mülei taiñ yafüluhual ca elantücünual.
Inayentufinge ta Pablo
3. Chem hora ñi ayüel ti che, pemeafimi. Ramtuunge: “Iñche, ¿chem hora pemeafun ti che? ¿Chem hora mu llohuafeneu? ¿Cheu ayüafui tayu huiño peutual?”. Cümenole rume eimi mu ti hora ñi feipiel ti che, yafüluunge tami pemeafiel.
4. Eldungucünuaimu. Petu ñi fentepuunon ti nütram, ramtuafimi ti che chem antü ca chem hora tami huiñotual. Huiñotuan pilmi, mülei tami femal.
5. Amulenge müten. Fillque duam niele ti che cam mülenole ruca mu, raquiduamlayaimi ñi cüpa allcütunon (1 Cor. 13:4, 7). Amulepe tami quintufiel ti che, huelu cuñiutucuunge tami ngünamcanoafiel tami tiempo (1 Cor. 9:26).