Tati lan dungu rume cutrancachequei ca hueñancülchequei. Feimu Biblia meu tati lan dungu trürümngei quiñe caiñe meu (1 Corintios 15:26). Ti quimeltun 27 quimürpuiñ Chau Jehová ñi apümcayafiel tati lan dungu, huelu ¿chem dungu rupayai com feichi pu che meu deu lalu? Jehová feipicünui ñi huiñomongeltuafiel ta rume fentren che ñi afnoachi mongen nieal engün, huelu ¿feingepei mai ñi huiñomongeltungeal pu layelu? Ca ¿cheu huiñomongeltungeaingün? ¿Huenu mu cam Mapu meu? Tüfachi quimeltun meu inaduamafiyiñ ta tüfa.

1. Chau Jehová, ¿chem chumafi taiñ piuqueyenieelchi che lalu?

Jehová ayülei ñi huiñomongeltuafiel pu layelu. Quiñe huentru Job pingefulu, rume maneluucülefui Ngünechen meu, quisu quimniefui Chau Ngünechen tañi ngoimanoaeteu rüngaltuculefule rume. Feimu Job feipifi ta Ngünechen: “Eimi mütrümaimi, iñche lloudunguayu” (papeltuaimi Job 14:13-15).

2. ¿Chem dungu pengeleiñmu ñi huiñomongeltungeal pu layelu?

Jesús miyaupalu Mapu meu, Ngünechen elufi tañi nehuen ñi huiñomongeltuafiel pu layelu. Feimu Jesús pepi huiñomongeltufi quiñe pichi malen 12 tripantu nielu ca quiñe lantu domo ñi püñeñ (Marcos 5:41, 42; Lucas 7:12-15). Rupalu chi antü Jesús tañi hueni, Lázaro pingefulu, larpui. Fei meli antü tañi rüngaltuculefel, Jesús huiñomongeltueyu. Feichi mu Jesús deu ngillatucünufilu ta Ngünechen huirarün meu feipi: “¡Lázaro, tripapatunge!”. Fei “feiti huentru lafulu, tripapatui”, Lázaro huiñomongetui (Juan 11:43, 44). Raquiduamnge ñi fente ayüucülefun Lázaro tañi familia ca tañi pu hueni.

3. Tami piuqueyenieelchi che lalu, ¿huiñomongepetuaingün mai?

Biblia feipicünui “ñi huiñomongetual” pu che (Hechos 24:15). Jesús mülepalu Mapu meu huiñomongeltufi ta quiñeque che. Huelu tüfa engün amulaingün huenu meu, feimu Jesús huiñomongeltufilu engün, ayühunquechi huiñomongetuingün Mapu meu (Juan 3:13). Pichiñma meu, Jesús huiñomongeltuafi ta rume fentren che ñi ayühun-ngechi mongen nieal ayüfalngetule ta Mapu. Jesús feipi com tati pu che mülelu Ngünechen tañi raquiduam meu huiñomongelngetuaingün (Juan 5:28, 29).

 DOI QUIMAIMI

4. Jesús pengeli ñi nieel nehuen tañi huiñomongeltucheal

Doi quimafiyiñ chumngechi Jesús huiñomongeltufi tañi hueni Lázaro. Papeltuaiñ Juan 11:14, 38-44, ca ngüneduamaiñ tüfachi epu ramtun:

• ¿Chumngechi quimiyiñ ñi rüf larquen ta Lázaro? (Pefinge Juan 11:39).

• Lázaro amufule huenu mu, ¿cümelcangepeafui mai ñi huiñomongelngetual Mapu meu?

Peaiñ ti VIDEO.

5. Fentren che huiñomongelngetuai

Papeltuaiñ Salmo 37:29, ca ngüneduamaiñ tüfachi ramtun:

• Rume fentren che cai huiñomongeltualu, ¿cheu mongeletuaingün?

Jesús huiñomongeltuafi pu poyequefilu ta Jehová. Huelu cafei huiñomongeltuafi ta caquelu che. Papeltuaiñ Hechos 24:15, ca ngüneduamaiñ tüfachi ramtun:

• Huiñomongelngetule tati pu che, ¿inei ayüafuimi tami huiño petuafiel?

• Phelicity tañi pu chau, ¿chumngechi nehuentucuqueyu ñi huiñomongetual ta che?

 TAMI QUIMEL

Biblia feipi fentren che ñi huiñomongetual. Jehová elufi nehuen ta Jesús femngechi ñi huiñomongeltuafiel tati pu che.

¿Chem piafuimi?

• ¿Chumngelu feipiafuiñ Jehová ca Jesús ayüleingu ñi huiñomongeltuafiel tati pu che?

• Tati fentrenque che huiñomongetualu, ¿cheu müleaingün: huenu mu cam Mapu mu? ¿Chumngelu femngechi raquiduamqueimi?

• ¿Chumngelu maneluuqueimi ñi huiñomongetual tami pu layelu?