75 ÜLKANTUN
¡Faw ta mülen! Iñche amuan
(Isaías 6:8)
-
1. Pu che illamkakey engün
Jewba tañi fütra üy mu.
“Ngelay Chaw Dios” pikey engün,
“fey turpu duamtukelaeiñmu”.
¿Iney ingkayafi Jewba,
tañi üy ñi liftungeal?
(WIÑO ÜLKANTUAL 1)
¡Faw ta mülen, iñche amuan!
Ülkantulelaeyu Jewba.
Falintufiñ tañi werken-ngen.
¡Faw mülen, iñche amuan!
-
2. Ayentuyngün Wenu Chaw mu,
“chumlay rume” pikey engün.
Yamnielafi ta Ngünechen,
ayüy pu che ñi ngünenien.
Püllelepay Jewba ñi antü,
¿iney ngüfetuaeyew engün?
(WIÑO ÜLKANTUAL 2)
¡Faw ta mülen, iñche amuan!
Llükanon mu ngüfetuchean.
Falintufiñ tañi werken-ngen.
¡Faw mülen, iñche amuan!
-
3. Tati pu ñom piwkengelu
kutrankawkey che ñi duam mu.
Ayükeyngün kom piwke mu
tañi küme feleal engün.
Eymi, ¿kelluafuymi pu che
ñi kimafiel ta Ngünechen?
(WIÑO ÜLKANTUAL 3)
¡Faw ta mülen, iñche amuan!
Ñochi duam mu kimeltuchean.
Falintufiñ tañi werken-ngen.
¡Faw mülen, iñche amuan!
(Kafey papeltuafuymi Sal. 10:4; Ezeq. 9:4).
