JW LIBRARY
Adkünunge tami papeltun: Android
JW Library nieyey fillke dungu tami doy adümafiel ti papeltun. Papeltulmi kiñe kapitulo kam trokiñ, feychi fillke dungu wenu tami man püle müley pantalla mu.
Müley tami pütafkünual ti boton nielu küla pichike punto tami doy dungu peal.
Inafinge tüfachi feypikünungeelchi dungu tami adkünual tami papeltun:
Chumngechi ka kewün kintual
Ka kewün küpa papeltulmi, müley tami dullial chi boton Idiomas tami peal kom kewün mu mülelu feychi pagina tami papeltumekefiel.
Wünelu mu, pewfaluway tati kewün tami doy adümkefiel. Kafey pewfaluway tati doy adümngeelchi wirintukun La Atalaya mu. Ka kintuafuymi, wirintukulmi ka kewün ñi üy.
Tati kewün petu nentunofiel mu, kiñe pichi tromü pewfaluway. Pütafnge kiñe kewün ñi nentual ti papil. Nentukünulmi kiñe papil tami elektroniko mu, pewfaluwelayay ti pichi tromü. Wiño pütafnge ti kewün tami papeltuafiel.
Chumngechi adkünual ti wirintukun
Tami doy küme papeltual, küme elkünuafuymi tati wirintukun.
Pütafnge ti boton Formato de la letra ka pingüd amulfinge wele püle doy pichi ngealu, ka man püle ñi doy fütra ngealu. Tüfachi wirintukun mu pewfaluway kom tati papil müleyelu aplicacion mu.
Chumngechi amuafuymi adentun kam wiringechi dungu mu
Kiñeke trokiñ pengeafuy adentun reke kam wirintukun. Pütafnge ti boton ñi kakünual chuchi tami küpa peel.
Ver imagen. Adentun mu pengeli ti pagina chumngechi nentuwiringelu ti papil. Kiñeke che doy ayükefi ti adentun kiñeke papil mu, tüfa tati lifru ülkantun nielu ka pengelkelu ti ül partitura mu.
Ver texto. Tati wirintukun pengeli ti texto Biblia mu nüwkülelu, pütafngeafuy ka pengeafuy chumngechi elkünulmi ti wirintukun.
Chumngechi püneal tati küdawe “Abrir en...”
Pütafilmi chew feypi Abrir en... eluñmakey ñi peal ti müleyelu JW Library mu kakelu aplicacion mu.
Pütafnge ti boton Abrir en... fey ñi peal fillke dullin mülelu. Tüfa ta kiñe, dulliafuymi ti boton Abrir en Biblioteca en línea ñi nülayal ti pagina tami papeltumekeel INTERNET MÜLEYECHI LIFRU Watchtower.
Chumngechi adkünual ñi kintungeal fillke Biblia
Tati papil mu pütafilmi kiñe texto Biblia, pewfaluwkey ti versikulo. Pütafnge ti boton Personalizar miñche versikulo mu, tami dullial chem Biblia nentukünungelu, ayükeymi ñi müleal tami papeltual.
Pütafnge ti boton Añadir ka Quitar ta püñamal, kam famentual nentuwiringeelchi Biblia. Pingüd pürafinge ka pingüd nagfinge, wiño adkünutual ti fillke Biblia mülelu.
Inaduamnge ti dungu “Nentunge fillke Biblia ka adkünufinge: Android” tami kimal chumngechi doy tukuam Biblia JW Library.
Femkünungeel itrofill tati küdaw elkünungey ñi pünengeal febrero küyen 2015 tati version JW Library 1.4 mu, Android 2.3 trürküleyngu ka küpalechi version mu müten. Nienolmi feychi küdawkelu, inange tati feypikünungeelchi dungu mülelu “Eluwimi tami küdawal JW Library: Android”, ti trokiñ mu feypilelu “Nentuniefinge tati weke dungu”.
