JW LIBRARY
Chumngechi kintual Biblia ka fillke papil mu: Android
Kintulmi JW Library mu, peafuymi kiñe ka mufüke dungun Biblia mu kam fillke papil.
Inafinge tüfachi feypikünungeelchi dungu tami kintual:
Chumngechi kintual kiñe Biblia mu
Kintuafuymi kiñe ka mufüke dungun tami papeltumekeel ti Biblia.
Petu tami papeltumekefiel ta Biblia, pütafnge ti boton Buscar, fey wirintukunge ti dungun tami küpa pefiel. Petu wirintukulmi, peaymi kiñeke kellu. Dullinge kiñe tüfa kam pütafnge ti boton Enter tami elektroniko mu, ka peaymi chem dungu tripay.
Versículos Más Relevantes pengeli doy duamfalngechi versikulo kiñentrürkülelu tami kintupeel mu. Todos los Versículos pengeli kom tati versikulo kiñentrürkülelu, tüfa adkünungey Biblia ñi fillke lifru reke. Artículos pengeli ti dungu kiñentrürkülelu tati wünenke dungu ka tati doy kimngeam chi dungu engu.
Wirintukülmi mufüke dungun, pütafnge chew feypi Frase exacta ñi pengelal feychi dungu tami wirintukuel mu felelu.
Chumngechi kintual kiñe papil mu
Kintuafuymi kiñe kam mufüke dungu tati papil tami papeltumekefiel.
Fey mu pütafnge ti boton Buscar, fey wirintukunge tati dungun tami küpa pefiel. Petu wirintukulmi peaymi kiñeke kellu, dullinge kiñe tüfa kam pütafnge ti boton Enter tami elektroniko mu, ka peaymi chem dungu tripay.
Wirintukülmi mufüke dungun, pütafnge chew feypi Frase exacta ñi pengelal feychi dungu tami wirintukuel mu felelu.
Chumngechi kintual kiñe dungu
Entuniefilmi ti lifru Perspicacia para comprender las Escrituras kintuafuymi kiñe dungu feychi lifru mu. Tüfa pewfaluway papeltumekelmi chem Biblia rume ka papil.
Pütafnge Buscar, fey wirintukunge tati dungu tami küpa pefiel. Petu wirintulmi, pewfaluway fillke kellu kiñentrürkülelu ti lifru Perspicacia para comprender las Escrituras mu. Pütafnge kiñe dungu ñi peal ti trokiñ.
Femkünungeel itrofill tati küdaw elkünungey ñi pünengeal octubre küyen 2014 tati version JW Library 1.3.4 mu, Android 2.3 trürküleyngu ka küpalechi version mu müten. Nienolmi feychi küdawkelu, inange tati feypikünungeelchi dungu mülelu “Eluwimi tami küdawal JW Library: Android”, ti trokiñ mu feypilelu “Nentuniefinge tati weke dungu”.
