¿Duamfalngepei mai tami elungeal quiñe antü tami huitran-ngepayal? Mai. Petu tami cüpanon falin-ngei feipicünual: “Elumuafen huitran-ngemeal”. Com che mülei ñi femal tüfa, tunten chengeafui rume ti troquiñche ñi cüpayal. Femngechi rume fentren che trahulayai ca com cüme tripayai.

Elungenolmi quiñe antü tami huitran-ngepayal, ¿cüpapeafuimi mai? Cüpalmi fei tami elungenon quiñe antü, pepi lloungelayafuimi chi. Rume fentren che cüpale, com pepi lloungelayafuingün.

¿Chem hora mülei tami acual ñi huitran-ngepayal? Mangelngelmi tami cüpayal, aculayaimi doi quiñe hora petu tami conpanoal. Femngechi rume fentren che trahulayai.

¿Chumngechi feipimuafuiñ tami cüpa huitrancontupafiel? Ti troquiñche ayülu ñi huitran-ngepayal puunole 20 che, pütafnge ti dungu feipilelu “Ayüafun ñi huitran-ngemeal (doi pichin 20 che meu)”. Ti troquiñche ayülu ñi huitran-ngepayal mülele 20 che cam doi, mütrümmuiñ ti numero huirintuculelu nagaltu.

Elungelmi quiñe antü tami huitran-ngepayal, ¿cacünuafuimi cam feipiafuimi tami cüpanoal? Mai. Pütafnge ti dungu feipilelu “Pefinge cam cacünufinge tami feipicünuel”.

Penofilmi quiñe antü tami ayüel tami huitran-ngepayal, ¿chumafuimi? Amulepe tami pefiel sitio internet mu. Quiñe huitran feipiafui chi ñi cüpayal ca antü cam feipiafui tañi cüpanoal.

1 Kingdom Way

West Hanningfield

CHELMSFORD

CM2 8FW

ENGLAND

+44 20 8906 2211