Mai. Com pu Dunguquelu Ineingen Jehová cheu rume müleliyiñ, nehuentuqueiñ taiñ eluucüleal ñi amuldungual ca rumel pepicaucüleiñ ñi nütramcayal Biblia ñi dungu (Mateo 28:19, 20, TNM).

 Cafei, quiñeque Dunguquelu Ineingen Jehová amuqueingün ñi amuldungual cam quiñeque huiñamtuhuingün ca lof quisu ñi troquiñ mapu mu, cheu mülei fentren che petu ñi allcütunon tati cümeque dungu mülelu Biblia mu. Ca femngechi caquelu huiñamtuhuingün ca troquiñ mapu mu. Com engün ayühun mu coneltuqueingün feichi pelon dungu ñi feipiel Jesús: “Tamün nütramyemuafiel ta iñche [...] ca fütra camapu amuaimün tuntepu ñi mülen ta mapu” (Hechos 1:8).

 1943 tripantu mu elcünugei “Galaad pingechi Biblia Chillcatuhue”, ñi pepicayafiel pu huercüngelu amuldungual ca mapu mu. Fantepu mu, doi pura huaranca Dunguquelu Ineingen Jehová deu amuingün tüfachi chillcatuhue mu.