¡Femlai tati! Pu Dunguquelu Ineingen Jehová famentuquelafingün tati vacuna. Tañi vacunangeal quisuque pu che mülei ñi dullial tañi llohual cam llounoal. Fentren Dunguquelu Ineingen Jehová eluuquei ñi vacunangeal.

 Cafei quintuqueingün cümeque medico tañi lahuentuñmangeal ca falintuquefingün ñi femquen tati pu hulquelu medicina, femngechi tati pu che tuuquelayu huesaque cutran. Rume mañumquefiyiñ com pu cüdaucülelu medicina mu, doi mai rupan mu tüfachi huesaque dungu.

 Pu Dunguquelu Ineingen Jehová quelluntucuquefingün tati pu autoridadcülelu ca pu lahuentuchequelu. Hue conlu tati pandemia COVID-19 cutran, pu Dunguquelu Ineingen Jehová tüfachi pagina mu huirintucuqueingün fillque quimeltun dungu, femngechi quelluquefingün pu che ñi cuñiutucuhual engün. Tüfachi quimeltun dungu mülei fentren quehun dungu mu. Ca quelluquefingün pu che ñi yamniefiel ti huercün dungu chumngechi ñi femngeal fillque trahun ca tati cuarentena. Ca feipingequei tunte puhual quisuque tati pu che, cüchayal taiñ cuhu ca püneafiel ti mascarilla, cafei inayal caquelu huercün dungu ñi feipiel tati autoridad (Romanos 13:1, 2).

 Alün tripantu mu, pu Dunguquelu Ineingen Jehová fillque chillca mu pengelingün tüfachi ngülam:

•   Lahuentuñmangeal ca lahuentuñmangenoal quisuque iñchiñ mülei taiñ dullial (Gálatas 6:5).

   “Tüfachi revista feipilai chem lahuen doi cümei ca hulquelai chem ngülam no rume medicina mu. Doi mai pengelelfi pu che quiñeque dungu tañi quimal, femngechi quisuque inayafi tañi ayünieel” (¡Despertad!, 8 conchi febrero 1987).

   “Tami vacunangeal eimi ca tami pu pichiqueche, eimi mülei tami dullial” (¡Despertad!, 8 conchi diciembre 1965).

•   Quintuqueiñ taiñ quelluaeteu pu medico, iñchiñ am rume falintuquefilu tati mongen (Hechos 17:28).

   “Quiñe cutrancülechi dunguquelu ineingen Jehová eluquei ñi quelluaeteu tati pu medico ca fillque lahuen. Fei piuqueyeniefi tañi mongen ca quintuquei ñi doi alün mongen nieal, inaniefiel mu Biblia tañi ngülam” (La Atalaya, 1 conchi mayo 1976).

   “Huesa dungu no amual ta medico mu ca llohual taiñ doi mongeleal. Pu Dunguquelu Ineingen Jehová llouquei fillque lahuentun dungu, doi mai quiñeque Dunguquelu Ineingen Jehová medicongequeingün, Lucas reque, quiñe medico cristiano hunen siglo mu. Pu Dunguquelu Ineingen Jehová rume mañumtuquefingün com pu cüdauquelu medicina mu, ca falintuquefingün ayüucülen mu ñi cüdaucülen engün” (La Atalaya, 1 conchi febrero 2011).