Femlai tati. Doi mai, ngüneduamlu iñchiñ quiñe feyentun trürngenole ñi rüf quimeltuqueel ta Biblia, cüme elcünutufiyiñ.

 Com taiñ feyentuqueel Biblia mu tuhun-ngei. Fei 1950 tripantu mu, eluhuiyiñ ñi deumangeal tati Traducción del Nuevo Mundo de las Santas Escrituras pingelu, huelu cuifi ca cüme ngüneduamqueiñ ta Biblia. Ñi femal tüfa, ngüneduamquefuiñ fillque rulpadungungeelchi Biblia. Peaiñ quiñeque feyentun taiñ niequeel cuifi mu, petu ñi nienon tati Traducción del Nuevo Mundo. Ngüneduamaimi tüfachi feyentun ñi trürngen ta Biblia ñi feipiel.

1.   Taiñ feyentuqueel: Ngünechen coneltulelai tati Trinidad mu. Tati chillca Zion’s Watch Tower (fachantü La Atalaya quimniengequei) 1882 julio cüyen mu feipi: “Feyentuqueiñ Chau Ngünechen Jehová mu, Jesús ca Ngünechen ñi nehuen, huelu famentuquefiyiñ ñi cüla dios ngen engün coneltulu quiñe dios müten, ca feyentuquelaiñ quiñe dios coneltulei cüla dios mu, tüfachi quimeltun tuhun-ngelai Biblia mu. Pu papeltuquelu taiñ papel cüme quimnieingün tüfa”.

     Biblia ñi quimeltuqueel: “Jehová taiñ Ngünechen, quiñe Jehová ngei müten” (Deuteronomio 6:4). “Mülei ta quiñe Chau Ngünechen müten, fei quisu meu itrocom chemcün felei, ca iñchiñ müleiñ quisungealu. Ca femngechi mülei quiñe Ñidol Jesucristo müten” (1 Corintios 8:6). Ca Jesús feipi: “Quisu am doi hunen-ngelu iñche meu” (Juan 14:28).

2.   Taiñ feyentuqueel: Pu huesaque che cutrancauquelai ti cütral mapu mu. Tati chillca Zion’s Watch Tower 1882 junio cüyen mu ngüneduami tüfachi dungu “Tati yafcan [culpan] ñi hulqueel re lan dungu müten” nentungelu Romanos 6:23, ca feipi: “¡Müna adümfali tüfachi feipin! Pu che feyentuquei Biblia ñi cüpan Ngünechen mu, huelu feipiqueingün Biblia quimeltuquei ti culpan ñi hulqueel, fei ñi rumel cutrancahual cütral mapu mu. Müna huesa dungu”.

     Biblia ñi quimeltuqueel: ‘Feichi che culpale ... fei quisu layai’ (Ezequiel 18:4). Ngünechen ñi pu caiñe cutrancaquelayaingün quiñe cütral mapu mu, doi mai ramtucadungungeaingün “ñi apümcangeal rumel mu” (2 Tesalonicenses 1:9).

3.   Taiñ feyentuqueel: Chau Ngünechen ñi Gobierno lonco ülmencülei, tüfa coneltulelai quiñe dungu taiñ piuque mu mülelu. Tati chillca Zion’s Watch Tower 1881 diciembre cüyen mu feipi tüfa Ngünechen ñi Gobierno mu: “Elcünungele tüfachi Gobierno, apümcayafi com ti gobierno mülelu Mapu mu”.

     Biblia ñi quimeltuqueel: “Feichi pu lonco ülmen ñi antü meu, tati Ngünechen huenu mapu mülelu elcünuai quiñe ngünenien, chumcaunorume apümcangelayai. Ca tüfachi ngünenien elcünungelayai caque troquiñche mu. Atemcayafi ca apümcayafi com tüfachi caquelu pu ngünenien, ca quisu müten chumcaunorume aflayai” (Daniel 2:44).

 Femlai tati, pu Dunguquelu Ineingen Jehová ñi quimeltucheal inaduamqueingün fillque rulpadungungeelchi Biblia. Feipifilu pu che ñi chillcatual Biblia iñchiñ mu, ca hulquefiyiñ tati Traducción del Nuevo Mundo cofrangenon mu. Huelu, quiñe che ayüle ñi chillcatual caque rulpadungungeelchi Biblia, amuleafui ñi chillcatual Biblia feichi che engu.