Pu che ñi nütramcaqueel: Tati medico pepi quelluquelaeyu troquiqueingün pu Dunguquelu Ineingen Jehová, feimu llouquelaingün lahuentun.

 Ti rüf dungu: Iñchiñ, pu Dunguquelu Ineingen Jehová, quintuqueiñ tati doi cüme lahuentun taiñ tremoltungeal. Cutrancüleliyiñ, cam duamnieliyiñ taiñ operangeal, amuqueiñ medico ca cirujano adümuuquelu tati lahuentun mu pünequenolu mollfüñ. Ca müna mañumqueiñ tati doi cümeque lahuentun ñi tripaquen famülque mu. Doyelchi mai, ti lahuentun ñi elungen pu Dunguquelu Ineingen Jehová femngechi ñi duamtunoal mollfüñ, feula pünengequei ñi quelluafiel caquelu che cütu. Tati lahuentun duamquelu mollfüñ nehue cüme tripaquelai: tati pu che queñantucuafui ti mollfüñ, contuafeyu fillque cutran cam ti cuerpu cüme lloulayafui ti mollfüñ. Feimu fentren troquiñ mapu meu, chem che rume dulliafui ñi duamtunoal mollfüñ tañi lahuentun mu femngechi ñi tunoal tüfachi huesaque dungu.

 Pu che ñi nütramcaqueel: Pu Dunguquelu Ineingen Jehová raquiduamqueingün tati feyentun mu ñi pepi tremoltuafiel tati pu che cutrancülelu.

 Ti rüf dungu: Iñchiñ turpu tremoltuquelafiyiñ inei no rume feyentun mu.

 Pu che ñi nütramcaqueel: Müna fali feichi lahuentun tucungenon mu mollfüñ.

 Ti rüf dungu: Ti lahuentun tucungenon mu mollfüñ, rupalu chi antü pengeafui doi pichin plata ñi amultucungeal. a

 Pu che ñi nütramcaqueel: Fentren Dunguquelu Ineingen Jehová, pu pichiqueche cütu, latripaqueingün fill tripantu mu, eluuquenolu am ñi tuculelngeal mollfüñ tañi cuerpu mu.

 Ti rüf dungu: Chem dungu no rume pengelquelai ñi rüfngen tüfachi feipin. Famülque mu, pu cirujano femqueingün fütraque operacion tuculelnofiel mollfüñ pu che ñi cuerpu mu, quiñeque tüfa ñi operangeal ti piuque, tuculelngeal fillque troquiñ ñi nieel ti cuerpu ponhui mu ca operacion ortopedica pingelu. b Pu che ca ti pu pichiqueche tuculelngenolu mollfüñ tañi cuerpu ñi operangeal, doi cüme tremotuqueingün feichi che tuculelngelu mollfüñ. c Cafei, inei no rume feipilayafui “feichi che layai tuculelngenole mollfüñ”, cam “fei mongeai tuculelngele mollfüñ”.

 Tüfachi raquiduam nüucülei taiñ feyentun mu, coneltuquelai ti medico dungu mu. Tati Antiguo ca Nuevo Testamento huercüqueiñmeu ngüneucüleal mollfüñ dungu mu (Génesis 9:4; Levítico 17:10; Deuteronomio 12:23; Hechos 15:28, 29, Traducción del Nuevo Mundo). Cafei, Chau Ngünechen meu, tati mollfüñ adentulei tati mongen mu (Levítico 17:14). Feimu, pu Dunguquelu Ineingen Jehová inaquefiyiñ tüfachi huercün mülelu Biblia mu, taiñ ngüneucüleal mollfüñ dungu mu, femngechi yamniefiyiñ taiñ Chau Ngünechen, taiñ elueteu ti mongen.

 Quiñeque tripantu mu, pu medico raquiduamquefuingün nga com tati lahuentun ñi pünengeafel ñi tuculelnoafiel mollfüñ tati pu che, “müna cuñihun-ngei” ca “feichi che cüpa tuculelngenolu mollfüñ quisutu langümuhui” feipiquefuingün. Huelu, rupalechi tripantu, femngechi raquiduamhuelaingün. Quiñe dungu, 2004 tripantu mu, quiñe chillca nütramcaquelu lahuentun dungu mu feipi: “Fentren lahuentun ñi elungequen pu Dunguquelu Ineingen Jehová, cüpalechi tripantu mu femngechi lahuentungerpuaingün com pu che”. d Cafei, 2010 tripantu mu quiñe lifru feipi tüfachi lahuentun mu, chumngechi ñi operangeel pichin tiempo mu, ca femngechi operangeai duamngenon mu mollfüñ (Medicina transfusional).

 Fentren medico huall Mapu mu, pünequei fillque lahuentun ñi tuculelngenoal mollfüñ fütraque operacion mu. Fillalechi troquiñ mapu cütu pu medico pünequei tüfachi lahuentun, ca fentren che coneltunolu taiñ feyentun mu dulliqueingün feichi lahuentun.