Pu Dunguquelu Ineingen Jehová ngüneduamqueingün fillque Biblia ñi chillcatuafiel. Huelu rume falintuquefingün tati Traducción del Nuevo Mundo de las Santas Escrituras, tüfachi Biblia rulpadungungei fentren quehun dungu mu, ca üituquefi ta Chau Ngünechen ñi üi, manelfalngei ca quimfalngei.

•   Üituquefi Chau Ngünechen ñi üi. Fentren pu troquiñche entuquelu Biblia yamniequelafi ta Ngünechen. Quiñe pengelün dungu, quiñe Biblia ñi rulpadungungeel üitufi doi 70 che quellulu ñi entual tüfachi Biblia, huelu quiñechi no rume üitungelai tati rüf Ngen-ngelu ti Biblia mu: Jehová.

   Huelu tati Traducción del Nuevo Mundo tucufi Ngünechen ñi üi fentren huaranca rupa cheu ñi mülequefel ti cuifique huirin chillca mu, huelu üituquelafi tati pu rulpadungufilu.

•   Manelfalngei. Quiñeque Biblia rulpadungungelu manelfalngelai ñi pengelfiel tañi rüf huercün dungu. Quiñe pengelün dungu, quiñe Biblia femngechi rulpadungui Jesús ñi feipiel Mateo 16:24 mu: “Inei rume ayüle iñche ñi discipulongeal, quisu ngüyünentuupe, ca eluucülepe ñi cutrancahual ta cruz meu ngeai rume, fei inaechimeu”. Fentren tripantu petu ñi mülenon ta Jesús tati pu poyequefilu pu coilaque dios niefuingün tati cruz ñi pengelngeal tañi religion. 250 tripantu püle taiñ mülen antü mu, tati pu iglesia cüpa pengelingün tüfachi adentun ñi pengelal ti cruz cheu ñi lan ta Jesus. Pu rulpadungulu tati Biblia huirintucuingün “cruz”, raquiduamquelu am Jesús ñi lan quiñe cruz meu. Huelu tati dungu huirintucungelu ti cuifique huirin chillca mu, rulpadungungei “orcon mamüll”. Feimu tati Traducción del Nuevo Mundo feipilei tüfachi versiculo meu: “Inei rume ayüle tañi inayaeteu quisu ngüyünentuupe, nüupe tañi orcon mamüll, fei inaechi”.

•   Quimfalngei. Quiñe Biblia cüme rulpadungungelu mülei ñi manelfalngeal, huelu cafei mülei tañi quimfalngeal. Inaduamaiñ quiñe pengelün dungu, fentren Biblia meu femngechi rulpadungungei Mateo 5:3: “Ayühun-ngei tati pu fillalelu ñi püllü meu”. Huelu tüfachi dungu cüdaungei ñi adümngeal. Feimu ti Traducción del Nuevo Mundo femngechi rulpadungui tüfachi versiculo: “Ayühun nieingün tati pu quimlu ñi duamnieel Ngünechen ñi dungu”.

 Tati Traducción del Nuevo Mundo yamquefi Ngünechen ñi üi, manelfalngei ca quimfalngei ñi pengelfiel ti huercün dungu, huelu rume fali ca dungu mu: hulngequei cofrangenon mu. Feimu rume fentren che nienolu plata tañi ngillayafiel quiñe Biblia, papeltuafuingün tüfa quisu ñi quehun mu.