Pu Dunguquelu Ineingen Jehová cüme quimeltulelquefi Biblia tati pu che. Eluucülelmi chillcatual Biblia iñchiñ mu, feitachi cümeque dungu quimürpuafuimi:

•   ¿Chumngechi ayüucüleafuimi?

•   ¿Chumngechi hueniyeafuimi Chau Dios?

•   Ca quimürpuaimi chem pin Biblia cüpalechi antü mu

Tüfachi pagina mu huiñoldunguaiñ

•  ¿Chumngeai taiñ chillcatun Biblia mu?

•  ¿Mülei taiñ cullial?

•  ¿Tunteñmayafui tami chillcatun Biblia?

•  ¿Chumafun tañi enseñalngeal Biblia?

•  ¿Quimafun müten chumngen tati chillcatun Biblia?

•  Eluuli chillcatual Biblia eimün meu, ¿testigongean?

•  ¿Püneafun tañi Biblia?

•  ¿Mangelafun cangelu che tañi compañaeteu?

•  Cuifi chillcatufun pu testigo meu, fei ¿ca huiño chillcatuafun?

•  Pu testigo, ¿quellupeafeneu tañi quisu estudiayal Biblia?

 Quiñe Dunguquelu Ineingen Jehová quimeltuaimu fillque dungu tripalu Biblia mu. Ti lifru ¡Rumel ayüucüleaimi! pingelu, quelluaimu tami quimürpual Biblia ñi feipin ca chumngechi cümelcayafeimu tami mongen meu. Doi cüpa quimülmi, peafimi tüfachi video.

 Femngequelai. Pu Dunguquelu Ineingen Jehová inaqueiñ Jesús ñi feipifiel tañi pu discipulo:“Refalta llohuimün, feimu refalta hulaimün” (Mateo 10:8, Traducción del Nuevo Mundo). Tami chillcatual elungeaimi quiñe Biblia ca ti lifru ¡Rumel ayüucüleaimi! pingelu. Cofrangelayaimi.

 Ti lifru niei 60 quimeltun, eimi ta dulliafuimi tunte tami chillcatual. Quiñeque che fill semana quiñe quimeltun chillcatuqueingün, huelu caquelu doi chillcatuqueingün.

1.  1. Taiñ pagina internet meu amunge ti troquiñ feipilu “Huirintucunge tami pemengeal”. Com tami huirintucual feitachi troquiñ meu, pünengeai müten tami elungeal quiñe chillcatun Biblia meu.

2.  2. Tati che tami quimeltuaeteu Biblia mütrümaimu. Ca feipiaimu chem tami inaduamal tami chillcatun Biblia meu, huiñoldunguaimu chem ramtun rume nielmi.

3.  3.Eimi ca tati che tami quimeltuaeteu Biblia nütramcayaimu chumül ca chumngechi chillcatuaimu. Chillcatuafuimi telefono mu, internet meu cam correo electronico mu. Tami chillcatun quiñe hora puhuafui cam tunte tami ayünieel tami chillcatual.

 Femafuimi llemai. Huelu hunelu conafuimi taiñ pagina internet mu ca amunge ti troquiñ feipilu “Huirintucunge tami pemengeal”. Dunguelmu tati che quimeltueteu Biblia, eimi feipiafimi: “Iñche cüpa quimün müten chumngei ti chillcatun Biblia”, fei elungeaimi ti folleto ¡Rumel ayüucüleaimi! pingelu, nielu müten ti quimeltun quiñe puulu cüla tripalu tati lifru meu.

 Femlai. Iñchiñ rume ayühulqueiñmu quimeltuafiel Biblia tati pu che, huelu obligaquelafiyiñ tañi conal taiñ religion meu (1 Pedro 3:15, 16). Feimu iñchiñ pengelelquefiyiñ ti pu che Biblia ñi feipin, huelu quisuque tati pu che dulliafui chem tañi feyentual.

 Mai, fentren che ayüquei ñi püneal tañi Biblia, feimu chuchi Biblia rume tami nieel püneafuimi. Fentren quehün meu mülei tati Biblia Traducción del Nuevo Mundo pingelu. Iñchiñ pünequeiñ tüfachi Biblia rume adümfalngelu cai.

 Mai. Mangelafuimi tami pu che, tami pu hueni ca chem che rume tami ayünieel.

 Mai. Feula cambiangetui chumngechi quimeltulelquefiyiñ Biblia tati pu che, femngechi ñi doi cüme quelluafiel engün. Fei feula doi ayühulpelayaimu tami chillcatuniefiel Biblia.

 Mai. Fentren che ayüquei ñi quimeltulelngeal Biblia. Huelu eimi quisu cüpa chillcatulmi, amuafuimi taiñ pagina internet meu ca conafuimi tati troquiñ mu feipilu “Fillque quellun tami chillcatual ti Biblia”. Tüfa mu peafuimi fillque dungu tami quelluaeteu.

•   Conpunge ti troquiñ taiñ pagina meu feipilu “Video Biblia mu: Falinque quimeltun”. Tüfa mu peaimi fillque quimeltun Biblia mu.

•   Conpunge ti troquiñ taiñ pagina meu feipilu “Fillque ramtun Biblia mu”. Tüfa meu huiñoldungungequei caquerume ramtun Biblia mu.

•   Conpunge ti troquiñ taiñ pagina meu feipilu “Textos bíblicos explicados”. Tüfa meu quimürpuafuimi chem cüpa feipi fentren troquiñ Biblia.