Mai. Mülei quiñeque dungu pengelquelu ñi rüfngen tüfa:

•   Nehuentuqueiñ taiñ inayafiel Jesús ñi femün ca mongeleal chumngechi taiñ quimeltueteu (1 Pedro 2:21).

•   Feyentuqueiñ Jesús taiñ montuleteu, Biblia feipi: “Com mapu meu ngelai cangelu Montulchefe, Ngünechen am üitunofilu cangelu. Jesús meu müten mülei montun” (Hechos 4:12).

•   Dunguquelu Ineingen Jehová taiñ ngerpual fautizangequeiñ Jesús ñi üi meu (Mateo 28:18, 19).

•   Jesús tañi üi meu, ngillatuquefiyiñ ta Chau Ngünechen (Juan 15:16).

•   Feyentuqueiñ Jesús tañi loncolen ta com huentru meu (1 Corintios 11:3).

 Huelu mülei caquelu dungu taiñ trürngenon caquelu troquiñche cristiano mu. Quiñeque tüfa, quimürpuqueiñ Biblia ta quimeltuqueiñmeu Ngünechen tañi Fotüm, fei ta Jesucristo ca coneltulelai quiñe Trinidad (Marcos 12:29). Cafei feyentuqueiñ Biblia ñi quimeltuquenoel taiñ nien quiñe laquenochi püllü ca am no rume, ca feyentuquelaiñ Chau Ngünechen ñi cutrancayafiel ta che cütral mapu mu, raquiduamquelaiñ pu loncolechi religioso ñi ülmen chengeal ca ñi püramyengeal (Eclesiastés 9:5; Ezequiel 18:4; Mateo 23:8-10).