Femlai, pu Dunguquelu Ineingen Jehová quiñe secta no tati. Huelu mai, yafüluuquei ñi mongen engün ñi inayafiel Jesús tañi femün ca tañi quimeltun.

 Caqueume dungu raquiduamngequei tüfa mu. Ngüneduamaiñ epu dungu ñi feipiqueel pu che ca chumngelu pu Dunguquelu Ineingen Jehová quiñe sectangenon.

•   Quiñeque che raquiduamquei tati secta fei ta quiñe hue religion ca püntütripalu caquelu meu. Pu Dunguquelu Ineingen Jehová deumalai quiñe hue religion, huelu mai, yafüluuquei ñi inayafiel tati pu hunenque cristiano ñi femün ca quimeltun mülelu Biblia mu (2 Timoteo 3:16, 17). Raquiduamquei tati Biblia müten ñi feipiafeteu engün chumngechi ñi poyeafiel ta Chau Ngünechen.

•   Quiñeque che raquiduamquei tati secta fei ta quiñe cuñihun-ngechi troquiñche inaniefilu quiñe huentru. Pu Dunguquelu Ineingen Jehová inaniequelaingün chem che no rume. Huelu mai, inaniequeingün Jesús ñi feipifiel tañi pu discipulo ñi loncontucual engün: “Cristo müten tamün quiñen Ñidol” (Mateo 23:10).

 Cuñihun troquiñchengelai, cümelcaquefilu am engün ñi religion mu tañi pu chaf feyentulu ca caquelu pu che. Raquiduamnge tüfa, tañi amuldunguquen quellufi rume fentren che tañi ngollifengehuenoal ca drogatuhuenoal. Cafei adümelquefi fentren pu che huall Mapu mu chumngechi ñi papeltual ca huirintucual. Ca femngechi quelluchequeingün cheu rume mülele nüyün, mangin co, fütraque cürüftucu mahun ca caquelu huesaque dungu. Yafüluuqueingün ñi cümelcayafiel caquelu pu che, chumngechi ñi quimeltuel ta Jesús (Mateo 5:13-16).