Femlai tati. Pu Dunguquelu Ineingen Jehová cristianongeiñ ca Biblia mu tuhui com taiñ feyentuqueel. Quiñeque religion raquiduamqueingün ta fillque pelon dungu ñi nüucülen pu judio ñi trapümngeal Palestina mu. Huelu pu Dunguquelu Ineingen Jehová femngechi raquiduamquelaiñ, Biblia ta feipiquelai feichi politico dungu ñi rupayal. Doyelchi mai, Biblia ta coneltuquelai chem huentru ñi ngünenien no rume ca dullintuquelafi chem troquiñche no rume. Dunguquelu Ineingen Jehová ñi chillca La Atalaya cüme pengeli “Biblia mu ngelai tüfachi sionismo politico dungu”.

 Tati Encyclopædia Britannica feipi ti sionismo mu, fei “quiñe troquiñche judio politico quelluntucuquei ñi deumayal quiñe estado judio politico Palestina mapu mu”. Tüfa nüucülei religioso ca politico dungu mu. Pu Dunguquelu Ineingen Jehová quelluntucuquelaiñ tüfachi religioso quimeltun mu, cafei turpu coneltuquelaiñ ti troquiñche sionista pingelu.

 Pu Dunguquelu Ineingen Jehová ñi adcünuelchi troquiñche inaquei religioso dungu müten, huelu quelluntucuquelafi chem politico dungu no rume, ti sionismo cütu. Quimniengequeiñ taiñ reyülconquenon politico dungu mu, feimu llemai quiñeque troquiñ mapu mu caiñetungequeiñ. Rüf troquiqueiñ ta chem huentru ñi ngünenieel ca chem troquiñche no rume cüpal-layafui cüme felen Mapu meu. Chau Ngünechen ñi Gobierno müten huenu mapu mülelu femürpuai tüfa.

 Com pu Dunguquelu Ineingen Jehová inaquei quiñe ngülam, cheu ñi mülen rume llouqueingün pu autoridad tañi ley. Quiñe Dunguquelu Ineingen Jehová no rume caiñetuquelafi tati pu autoridad ca coneltuquelaingün ti hueichan no rume.