Raquingequeiñ tati amuldunguquelu Ngünechen tañi Gobierno fill cüyen (Mateo 24:14). Tüfa pu Dunguquelu deu fautizaucülelu, ca tati pu che petu fautizaunolu huelu eluñmangelu ñi amuldungual.

 Femlai tati. Taiñ hulngeal plata coneltulelai quiñe Dunguquelu ngeal, ca ñi elungeal quiñe elfal cüdau taiñ adcünuelchi dungu mu (Hechos 8:18-20). Com tati hulngequeel plata quimngequelai inei ñi hulün ca ñi tunten ngen. Com tati pu Dunguquelu quelluconquei taiñ cüdau mu hulquei ñi tiempo, ñi nehuen, ca tunten chemcün tañi nieel ca pepi hulal quisuque ñi ayün mu (2 Corintio 9:7).

 Fill cüyen pu Dunguquelu, quisu ñi ayün mu, hulquei tañi trahunche mu cheu feipiquei tunten ñi femel amuldungun cüdau mu.

 Com tüfa trapümngequei, fei huercüngequei tati ngünenieelchi ruca mu cheu ñi coneltuleel. Cafei, tüfa raquiquefi com ñi femel tañi troquiñ mapu ñi ngünenieel, fei hula huercüquei tüfa tati ngüneniechi ruca mu.

 Afyüm feichi tripantu ñi cüdahuelngequeel ta Jehová,⁠ a quimniequei doi alün-ngen tati pu amuldunguquelu quisuque troquiñ mapu mu. Fei com raquingequei ñi quimnieam tunten pu Dunguquelu mülei com huall Mapu mu. Tati troquiñ internet mu feipingelu “Pu Dunguquelu Ineingen Jehová huall püle mülelu”, pengelngequei tunten ñi femel quisuque troquiñ mapu mu. Ayüumaqueiñmu taiñ pefiel tüfa, chumngechi tati hunenque cristiano ayüumaquefeyu ñi quimün mu ca femngechi dungu (Hechos 2:41; 4:4; 15:3).

 Raquintucuquelafiyiñ rume engün huelu ayühuelqueiñmu ñi trahuluhun iñchiñ engün. Epe com engün amuquei ti Trahun Jesús tañi lan ñi acordangeal. Feimu quimafuiñ tunten ngen engün raquifiliyiñ tunten che ñi amuquen tüfachi trahun mu petu coneltunolu iñchiñ taiñ feyentun mu. Rupachi tripantu 2023 mu, 20.461.767 che amuingün ti Trahun Jesús tañi lan ñi acordangeal.

 Fentren che petu amuquenolu taiñ trahun mu, chillcatuqueingün Biblia iñchiñ engün, cullingequenon mu. 2023 tripantu mu, 7.281.212 che chillcatuingün Biblia fill cüyen. Quiñeque mu, quiñe chillcatun mu coneltuingün fentren che.

 Tati gobierno tañi raquinchen mu ñi ramtufiel tati pu che chem feyentun nieel engün. Taiñ adümal tüfa, tati Oficina del Censo de Estados Unidos feipi tañi raquinchen quintuquei tañi quimal tati pu che ñi coneltulen chem feyentun mu. Ca feipi tañi raquinchen mu nüucülei tañi feipiel ta che, huelu tañi femün mu no. Huelu iñchiñ raquintucuquelafiyiñ pu che re feipiquelu tañi Dunguquelu ngen, huelu mai tati pu amuldunguquelu Ngünechen ñi Gobierno ca feipiquelu tunten ngen ñi cüdau.