আপোনাৰ লগত কেতিয়াবা এইদৰে হৈছেনে যে আৰম্ভণিতে কোনো এটা ডাঙৰ কাম কৰিবলৈ আপোনাক কঠিন লাগিছিল? কিন্তু প্ৰতিদিনে অলপ অলপ কৰাৰ বাবে আপুনি সেই কামটো সহজে শেষ কৰিব পাৰিলে। বাইবেলো এইদৰেই পঢ়িব পাৰি। আৰম্ভণিতে আপোনাক বাইবেলখন ডাঙৰ কিতাপ যেন লাগিব পাৰে। কিয়নো তাত বহুতো অধ্যায় আৰু পৃষ্ঠা আছে। যদি আপুনি প্ৰতিদিনে অলপ অলপকৈ পঢ়ে, তেনেহʼলে এদিন গোটেই বাইবেলখন পঢ়ি শেষ কৰিব পাৰিব। কিন্তু আপুনি হয়তো ভাবিব পাৰে, ‘মই কʼৰপৰা আৰম্ভ কৰিম?’ এই পাঠত আমি আলোচনা কৰিম যে আপুনি এনে কি কৰিব পাৰে, যাতে বাইবেলখন পঢ়ি আপোনাক ভাল লাগিব আৰু আপুনি বহুতো কথা শিকিব পাৰিব।

১. আমি প্ৰতিদিনে কিয় বাইবেল পঢ়া উচিত?

যদি আপুনি প্ৰতিদিনে ‘যিহোৱাৰ ব্যৱস্থা’ বা বাইবেল পঢ়ে, তেনেহʼলে আপুনি আনন্দত থাকিব আৰু নিজৰ সকলো কামত সফলতা লাভ কৰিব। (গীতমালা ১:১-৩ পঢ়ক।) আৰম্ভণিতে প্ৰতিদিনে কেৱল পাঁচৰপৰা দহ মিনিটলৈকে বাইবেল পঢ়ক। এইদৰে কৰিলে লাহে লাহে বাইবেল পঢ়িবলৈ আপোনাক ভাল লাগিব।

২. আপুনি বাইবেলখন কেনেকৈ ভালদৰে বুজিব পাৰে?

বাইবেলখন পঢ়াৰ সময়ত অলপ সময় ৰওক আৰু চিন্তা কৰক যে আপুনি যি পঢ়িছে, তাৰ অৰ্থ কি? এক কথাত কʼবলৈ গʼলে বাইবেল পঢ়ক আৰু “ধ্যান” কৰক। (যিহোচূৱা ১:৮) কিন্তু আমি কেনেকৈ ধ্যান কৰিব পাৰোঁ? পঢ়াৰ সময়ত আপুনি ভাবিব পাৰে, ‘মই যি পঢ়িলোঁ, তাৰপৰা মই যিহোৱাৰ বিষয়ে কি শিকিব পাৰোঁ? মই নিজৰ জীৱনত এয়া কেনেকৈ পালন কৰিব পাৰোঁ? মই আনক সহায় কৰিবলৈ এই পদটো দেখুৱাব পাৰোঁনে?’

৩. আপুনি বাইবেল পঢ়িবলৈ কেতিয়া সময় উলিয়াব পাৰে?

বাইবেল পঢ়াৰ বাবে সময় উলিয়াবলৈ আপোনাক কঠিন লাগেনে? বহুতোলোকক এইদৰেই লাগে। বাইবেলত এইদৰে লিখা আছে, “সুসময়ক কিনি লবা।” (ইফিচীয়া ৫:১৬) এয়া আপুনি কেনেকৈ কৰিব পাৰে? আপুনি প্ৰতিদিনে বাইবেল পঢ়াৰ বাবে এক নিৰ্দিষ্ট সময় নিৰ্ধাৰিত কৰিব পাৰে। কিছুমান লোকে ৰাতিপুৱা, কিছুমানে দুপৰীয়া আৰু আন কিছুমানে গধূলি বাইবেল পঢ়ে। কিন্তু আপুনি কোনটো সময়ত বাইবেল পঢ়িব পাৰে?

 গভীৰভাৱে ধ্যান কৰক

আমি কি শিকিলোঁ

বাইবেল পঢ়িবলৈ এটা সময় বান্ধি লওক, আপুনি পঢ়া বিষয়বোৰ বুজিবলৈ যিহোৱালৈ প্ৰাৰ্থনা কৰক আৰু প্ৰতিটো পাঠ প্ৰস্তুতি কৰক। এইদৰে কৰিলে আপুনি বাইবেলখন ভালদৰে বুজিব পাৰিব।

 আপুনি কেনেকৈ উত্তৰ দিব?

• বাইবেলখন ভালদৰে বুজি পাবলৈ আপুনি কি কৰিব পাৰে?

• আপুনি বাইবেল পঢ়িবলৈ কেতিয়া সময় উলিয়াব পাৰে?

• বাইবেল অধ্যয়নৰ বাবে আপুনি কিয় প্ৰস্তুতি কৰা উচিত?