যিহোৱাৰ সাক্ষীসকলে এটা বিশেষ আশীৰ্বাদ লাভ কৰিছে। গোটেই বিশ্বব্ৰহ্মাণ্ডৰ অধিকাৰী, যিহোৱাৰ লগত আমাৰ এক সম্পৰ্ক আছে। আমি নিজৰ জীৱন যিহোৱালৈ সমৰ্পণ কৰি বাপ্তিষ্মা লৈ তেওঁৰ সেৱক হৈছোঁ, সেইবাবে যিহোৱাৰ লগত আমাৰ সম্পৰ্কক দৃঢ় কৰিব পাৰোঁ। যিহোৱাই নিজৰ পুত্ৰৰ যোগেদি আমাক নিজৰ কাষ চপাইছে। (যোহ ৬:৪৪) আমি যিহোৱাক প্ৰাৰ্থনা কৰিব পাৰোঁ, কিয়নো তেওঁ আমাৰ প্ৰাৰ্থনা শুনে।—গীত ৩৪:১৫.

যিহোৱাৰ লগত থকা আমাৰ সম্পৰ্কক আমি কেনেকৈ ৰক্ষা কৰিব পাৰোঁ। আমি ইস্ৰায়েলীসকলে কৰা ভুল কৰিব নিবিচাৰোঁ। যিহোৱাৰ লগত চুক্তি কৰাৰ কিছুসময়ৰ পাছত, ইস্ৰায়েলীসকলে এটা সোণৰ দামুৰি সাজিলে আৰু তাক উপাসনা কৰিবলৈ ধৰিলে। (যাত্ৰা ৩২:৭, ৮; ১কৰি ১০:৭, ১১, ১৪) আমি নিজকে প্ৰশ্ন কৰিব পাৰোঁ: যেতিয়া মোৰ মনলৈ বেয়া কাম কৰিবলৈ ভাৱনা আহে, তেতিয়া মই কি কৰোঁ? মোৰ কাৰ্য্যবোৰে দেখুৱাইনে যে যিহোৱাৰ লগত থকা মোৰ সম্পৰ্কক মই মূল্যৱান বুলি গণ্য কৰোঁ? যিহোৱাৰ প্ৰতি থকা গভীৰ প্ৰেমে আমাক, তেওঁ ঘিণ কৰা কাম কৰাৰপৰা আঁতৰি থাকিবলৈ সহায় কৰে।—গীত ৯৭:১০.

যিহোৱাৰ লগত থকা আপোনাৰ সম্পৰ্কক ৰক্ষা কৰক (কল ৩:৫) ভিডিঅ’খন চাওক আৰু নিম্নলিখিত প্ৰশ্নবোৰৰ উত্তৰ দিয়ক:

• লোভ কৰাৰ অৰ্থ কি?

• আমি কিয় লোভ আৰু মূৰ্ত্তি-পূজা কৰা উচিত নহয়?

• ব্যভিচাৰ আৰু মূৰ্ত্তি-পূজাৰ মাজত কি সম্পৰ্ক আছে?

• যিহোৱাৰ সংগঠনৰ দায়িত্বত থকা লোকসকলে নিজৰ সংগীসকলৰ প্ৰয়োজনীয়তাৰ প্ৰতি কিয় ধ্যান দিয়া উচিত?