চদোম নগৰ ত্যাগ কৰাৰ পাছত লোটৰ পত্নীয়ে কিয় উভতি চাইছিল? বাইবেলত ইয়াৰ উত্তৰ পোৱা নাযায়। (আদি ১৯:১৭, ২৬) যীচুৱে যি প্ৰসঙ্গত লোটৰ পত্নীৰ বিষয়ে বৰ্ণনা কৰিছিল, তাৰপৰা বুজিব পাৰি যে তাই হয়তো এৰি অহা বস্তুবোৰৰ বাবে হাবিয়াস কৰিছিল। (লূক ১৭:৩১, ৩২) লোটৰ পত্নীয়ে ঈশ্বৰৰ অনুগ্ৰহ হেৰুৱায়। যদি আমি ঈশ্বৰৰ অনুগ্ৰহ লাভ কৰিব বিচাৰোঁ, তেনেহ’লে আমি কি কাৰ্য্য কৰাৰপৰা বিৰত থকা উচিত? আমি লাহ-বিলাহৰ বস্তুবোৰ আমাৰ জীৱনত প্ৰথম স্থান দিয়া উচিত নহ’ব। (মথি ৬:৩৩) যীচুৱে শিক্ষা দিছিল যে আমি “ঈশ্বৰ আৰু ধন, এই উভয়তে খাটিব” নোৱাৰোঁ। (মথি ৬:২৪) কিন্তু, যদি আমি লক্ষ্য কৰোঁ যে ভৌতিক বস্তুবোৰে আমাৰ মূল্যৱান সময় কাঢ়ি লৈছে আৰু আধ্যাত্মিক কাম-কাজৰ বাবে সময় নাইকিয়া হৈছে, তেনেহ’লেনো কি? আমি ক’ত সাল-সলনি কৰাৰ প্ৰয়োজন আছে, তাক ভালদৰে জানিবলৈ আমি যিহোৱালৈ বিচাৰ শক্তিৰ বাবে প্ৰাৰ্থনা কৰিব পাৰোঁ। লগতে, সাল-সলনি কৰাৰ বাবে সাহস আৰু শক্তিৰ বাবেও প্ৰাৰ্থনা কৰিব পাৰোঁ।

লোটৰ তিৰোতাক সোঁৱৰা নামৰ তিনি ভাগৰ ভিডিঅ’খন মনত পেলাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:

• বেছিকৈ ধন উপাৰ্জন কৰিবলৈ অহা চাপে গ্লৰীয়াৰ চিন্তা-ভাৱনা, কথা-বতৰা আৰু কাৰ্য্যত কেনেকৈ প্ৰভাৱিত কৰে?

• বৰ্তমান সময়ত লোটৰ তিৰোতা আমাৰ বাবে কিয় এক উদাহৰণ হ’ব পাৰে?

• নিজৰ জীৱনত বাইবেলৰ সিদ্ধান্ত পালন কৰাৰ বাবে জ’ আৰু তেওঁৰ পৰিয়ালে কেনেকৈ লাভৱান হয়?

• কাম কৰা ঠাইত লোকসকলৰ লগত সংগতি কৰাৰ বাবে আনাৰ আধ্যাত্মিকতাত কেনেকৈ প্ৰভাৱিত কৰিছিল?

• জীৱনত ধন-সম্পত্তিক প্ৰথম স্থান দিয়াৰ বাবে যদি চাপ আহে, তেনেহ’লে তাৰ বিৰুদ্ধে থিয় দিবলৈ আমাক কিয় সাহসৰ প্ৰয়োজন?

• ব্ৰাইন আৰু গ্লৰীয়াই কেনেকৈ আধ্যাত্মিক বিষয়বোৰক পুনৰ প্ৰথম স্থান দিবলৈ আৰম্ভ কৰে?

• এই ভিডিঅ’খনত বাইবেলৰ কোনটো সিদ্ধান্ত তুলি ধৰা আপুনি লক্ষ্য কৰে?